Bolšaść achviar pracoŭnaha rabstva siarod biełarusaŭ — mužčyny ad 30 da 45 hadoŭ
Zhodna sa statystykaj 65% paciarpiełych ad pracoŭnaj ekspłuatacyi biełarusaŭ — mužčyny ad 30 da 45 hadoŭ, paviedamiła 4 kastryčnika na sustrečy z žurnalistami ŭ Minsku namieśnik hienieralnaha sakratara Biełaruskaha tavarystva Čyrvonaha Kryža Ina Lemiašeŭskaja.
Pavodle jaje słoŭ, u asnoŭnym heta žychary addalenych rajonnych centraŭ Biełarusi, jakija vyjazdžajuć na zarobki za miažu.
Jak adznačyŭ kiraŭnik pradstaŭnictva Mižnarodnaj arhanizacyi pa mihracyi ŭ Biełarusi Ziejnał Hadžyjeŭ, paciarpiełyja mužčyny časta saromiejucca pra heta kazać. Na jaho dumku, jość paciarpiełyja ad pracoŭnaha rabstva ludzi, jakija nie źviartajucca pa dapamohu ŭ adpaviednyja orhany albo z-za niaviedańnia, albo tamu, što im soramna za svaju situacyju.
«Samaje važnaje, kab čałaviek mieŭ infarmacyju ab tym, što ź im moža adbycca, kali jon źjazdžaje z krainy, navat na radzimie, a taksama infarmacyju pra toje, kudy jon moža źviarnucca pa dapamohu», — skazała Lemiašeŭskaja.
Ludzi, jakija trapili ŭ biadu, nie pavinny bajacca źviartacca ŭ milicyju (palicyju), pasolstva i konsulskija pradstaŭnictvy svajoj krainy, a taksama pavinny prainfarmavać svajakoŭ, ličyć jana. Na jaje dumku, adna z hałoŭnych prablem u tym, što kožny raz čałaviek dumaje, što ź im takoha zdarycca nie moža, i heta pamyłka.
Pradstaŭnica Čyrvonaha Kryža taksama zaklikała baćkoŭ sačyć za tym, što robiać dzieci ŭ internecie, z kim majuć znosiny, tamu što siońnia vielmi mnohija złačynstvy ździajśniajucca praz sacsietki.
Kiraŭnik prahramy «Ła Strada» mižnarodnaha hramadskaha abjadnańnia «Hiendarnyja pierśpiektyvy» Alena Nieściaruk u svaju čarhu paviedamiła, što mužčyny ŭ asnoŭnym źviartajucca z pytańniami ab pracaŭładkavańni, a žančyny čaściej zadajuć pytańni ab zaklučeńni šlubu ź inšaziemcam, skasavańni šlubu, pašpartna-vizavym režymie i biaśpiečnym vyjeździe dziciaci za miažu. Pavodle jaje słoŭ, bolš za pałovu ludziej, jakija telefanujuć na haračuju liniju prahramy, — žančyny. Mužčyny zvyčajna šukajuć infarmacyju samastojna abo z dapamohaj anłajn-kansultacyj.
«Na sajt lastrada.by tolki za minuły hod zajšło bolš za 375 tys. čałaviek, — skazała jana. — Pryblizna 13% zvarotaŭ pa elektronnaj pošcie pastupiła ad hramadzian SND».
Ciapier čytajuć
Pamiatajecie byłoha pamiežnika, jaki staŭ dalnabojščykam i ŭ Hiermanii pryznavaŭsia ŭ lubovi da Łukašenki? Ź im biada30
Kamientary