Iłan Mask paabiacaŭ adpravić 1 młn čałaviek na Mars

Kiraŭnik kampanii SpaceX Iłan Mask zajaviŭ, što da 2035 hoda na Mars možna budzie dalacieć za 80 dzion, a kampanija płanuje adpravić na Mars bolš za 1 młn čałaviek za 10 tys. palotaŭ. Košt palotu, pa słovach Maska, pavinien składać nie bolš za $200 tys. z čałavieka.

Pavialičyć

Vystupajučy na kanhresie Mižnarodnaj astranaŭtyčnaj fiederacyi 27 vieraśnia, kiraŭnik kampanii SpaceX Iłan Mask zajaviŭ pra nieabchodnaść raźvićcia «mižpłanietnaj cyvilizacyi» i apisaŭ padrabiaznaści mahčymaha palotu na Mars na bieśpiłotnych karabli SpaceX Dragon.

«My možam žyć na Ziamli i nikudy nie ruchacca, a možam stać mižpłanietnaj cyvilizacyjaj. Hałoŭnaja meta — stvaryć na Marsie pasielišča, horad. Mienavita tady my zmožam stać mižpłanietnym vidam», — zajaviŭ Mask.

Future Mars mission departing from historic Pad 39A at Kennedy Space Center https://t.co/kCtBLPbSg8 pic.twitter.com/Zvk4BNybee

— SpaceX (@SpaceX) 27 sientiabria 2016 h.

Pavodle jaho słoŭ, vybar na karyść Marsa, jak płaniety, jakuju nieabchodna asvojvać, byŭ abumoŭleny nieprydatnymi ŭmovami na Vieniery i blizkaje raźmiaščeńnie da sonca Mierkuryja.

Presentation and archived video available at https://t.co/SwNQJ9Z4td pic.twitter.com/KTZ8ryen0E

— SpaceX (@SpaceX) 28 sientiabria 2016 h.

«Adziny razumny varyjant stać mižpłanietnaj cyvilizacyjaj - heta adpravicca na Mars. Kali my adpravimsia na Miesiac — to my nie staniem mižpłanietnaj cyvilizacyjaj, bo Miesiac - heta spadarožnik. Rańni Mars byŭ takim, jak ciapier Ziamla. Mars atrymlivaje dastatkova soniečnaha śviatła, u jaho jość dosyć razradžanaja atmaśfiera. My zmožam vyroščvać raśliny na jaho pavierchni», - skazaŭ kiraŭnik SpaceX.

Jon padkreśliŭ, što na Ziamli — 7 młrd čałaviek, a na Marsie — nivodnaha. «Heta treba mianiać», — dadaŭ Mask.

Kiraŭnik SpaceX padkreśliŭ, što ciapier košt palotu na Mars składaje $10 młrd, i hetuju cenavuju palityku nieabchodna źmianić. Pavodle jaho słoŭ, palot pavinien być nie daražej $200 tys, to bok suadnosnych pa košcie z domam u ZŠA.

Prezientujučy makiet karabla, pryznačanaha dla palotaŭ da Marsa, Mask raspavioŭ, što kožny karabiel možna budzie vykarystoŭvać 12—15 raz, adzin karabiel zmoža źmiaścić kala 100 čałaviek razam ź ich bahažom. Za 10 tys. palotaŭ kampanija płanuje dastavić na Mars bolš za 1 młn čałaviek.

«Z momantu pieršaha palotu nam spatrebicca ad 40 da 100 hadoŭ, kab pabudavać na Marsie samastojnuju cyvilizacyju», — udakładniŭ Mask.

We'll start a cadence of sending Dragons to Mars in two years. Will be like a train leaving the station pic.twitter.com/Jpjwn3hWax

— SpaceX (@SpaceX) 27 sientiabria 2016 h.

• 0
• 0
• 0
• 0
• 0
• 0
• 0
• 0