Vychadziec ź Siryi, jaki ŭčyniŭ vybuch u horadzie Ansbach u Bavaryi pozna ŭviečary ŭ niadzielu, prysiahnuŭ na viernaść lidaru «Isłamskaj dziaržavy»: adpaviednaje videa było znojdziena ŭ jaho telefonie.
Jak paviedamiŭ ministr unutranych spraŭ Bavaryi Jaachim Chierman, na videa mužčyna kaža pra adpłatu, a taksama pahražaje nanieści ŭdar pa niemcach «u imia Ałacha» za toje, što tyja, na jaho dumku, zabivajuć musulman.
Na kampjutary padazravanaha znojdzienyja taksama videamateryjały sa scenami hvałtu, jak skazana ŭ paviedamleńni śledčych orhanaŭ, «isłamisckaj nakiravanaści i sałafisckaha źmiestu», a taksama materyjały pa vyrabie vybuchovych prystasavańniaŭ.
Palicyja ličyć, što jon samastojna vyrabiŭ bombu, u vyniku vybuchu jakoj 15 čałaviek atrymali ranieńni, u tym liku čaćviora — ciažkija, a sam padryŭnik zahinuŭ. Vybuch adbyŭsia ŭ niadzielu pozna ŭviečary, kala adnaho z baraŭ horada.
Kiraŭnik MUS Hiermanii Tomas de Mieźjer paviedamiŭ na pres-kanfierencyi ŭ Bierlinie, što «padryŭnik z Ansbacha», imia jakoha nie nazyvajecca, dvojčy sprabavaŭ zabić siabie i lačyŭsia ŭ psichijatryčnaj klinicy.
Taksama paviedamlałasia, što raniej mužčyna atrymaŭ dźvie pastanovy ab vydvareńni. Ułady źbiralisia departavać jaho ŭ Bałharyju, dzie jon upieršyniu zarehistravaŭsia ŭ jakaści biežanca, paviedamiŭ pradstaŭnik MUS Bavaryi Tobias Płate.
Ciapier čytajuć
U sacsietkach Chlastova apublikavałasia videa, zapisanaje na vypadak jaho zatrymańnia. Sam śpiavak na Akreścina24
U sacsietkach Chlastova apublikavałasia videa, zapisanaje na vypadak jaho zatrymańnia. Sam śpiavak na Akreścina
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času1818
Kamientary