Palicyja: Mocnaje emacyjanalnaje ŭździejańnie na Miunchienskaha strałka akazaŭ učynak Andersa Brejvika
U palicyi ličać, što na Miunchienskaha strałka akazaŭ mocnaje emacyjanalnaje ŭździejańnie ŭčynak Andersa Brejvika, jaki ŭčyniŭ bojniu ŭ Narviehii piać hadoŭ tamu.
Pavodle dadzienych śledstva, Miunchienski strałok mieŭ ciažkuju formu psichičnaha zachvorvańnia z šerahu depresiŭnych. Pra heta paviedamiŭ na pres-kanfierencyi ŭ Miunchienie ŭ subotu, 23 lipienia, prakuror Tomas Štajnkraus-Koch (Thomas Steinkraus-Koch), pieradaje DW.
Prakuror dadaŭ, što 18-hadovy niemiec iranskaha pachodžańnia, jaki padazrajecca ŭ ździajśnieńni złačynstva, pavinien byŭ naziracca ŭ daktaroŭ.
Imia stałka — Ali David Sanbali, jon byŭ hramadzianinam Hiermanii, jaki naradziŭsia ŭ siamji irancaŭ, baćka pracuje taksistam, maci — u bujnoj handlovaj sietcy. Jon naradziŭsia i vyras u Miunchienie.
U palicyi paviedamili, što jon «absalutna nie mieŭ nijakaha dačynieńnia da temy biežancaŭ». Taksama nie znojdziena nijakich dokazaŭ dačynieńnia strełka da terarystyčnaj hrupoŭki «Isłamskaja dziaržava».
U chodzie napadu Ali David Sanbali vykarystaŭ pistalet dzieviataha kalibra, u jaho zaplečniku było znojdziena 300 patronaŭ. Pry pieratrusu ŭ jaho ŭ pakoi była znojdziena vialikaja kolkaść materyjałaŭ z haziet i časopisaŭ ź infarmacyjaj pra napady adzinočak z ahniastrelnaj zbrojaj u vyniku «raptoŭnaha varjactva». U jaho ŭ pakoi taksama była znojdziena kniha «Lutaść ŭ hałavie: Čamu studenty zabivajuć», paviedamili ŭ prakuratury.
U palicyi ličać, što na «strałka» akazaŭ mocnaje emacyjanalnaje ŭździejańnie ŭčynak Andersa Brejvika, jaki byŭ asudžany na 21 hod źniavoleńnia za zabojstva 77 čałaviek. Brejvik ažyćciaviŭ vybuch u centry Osła, a taksama napaŭ na maładziožny łahier Narviežskaj rabočaj partyi 22 lipienia 2011 hoda.
Usiaho ŭ chodzie stralaniny ŭ Miunchienie 22 lipienia byli paranienyja 27 čałaviek, ź ich 10 znachodziacca ŭ ciažkim stanie. Strałok zabiŭ 9 čałaviek, a potym streliŭ sabie ŭ hałavu.
Ciapier čytajuć
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary