Ivankaŭski rajonny sud Kijeŭskaj vobłaści prysudziŭ viaskoŭca da čatyroch hadoŭ pazbaŭleńnia voli za zhvałtavańnie niepaŭnaletniaj, ale pastanaviŭ, što jon nie budzie adbyvać termin praz udzieł u apieracyi na ŭschodzie krainy.
Sudździa pryznaŭ hety fakt «źmiakčalnymi abstavinami». Ukrainca taksama aštrafavali na try tysiačy hryŭniaŭ (amal 245 biełaruskich rubloŭ). Pra heta paviedamlajecca ŭ Adzinym rejestry sudovych rašeńniaŭ.
U materyjałach spravy havorycca, što mužčyna byŭ niećviarozy. Jon pavaliŭ dziaŭčynu na ziamlu, hvałtoŭna pastaviŭ jaje na kaleni, paśla čaho «padyšoŭ zzadu i nasupierak jaje voli zadavoliŭ svajo žadańnie nienaturalnym čynam».
Adznačajecca, što hvałtaŭnik viedaŭ pra ŭzrost dziaŭčyny. Svajoj viny asudžany nie pryznaŭ, zajaviŭšy, što seksualny kantakt adbyŭsia pa ŭzajemnaj zhodzie.
Mužčynu sudzili na padstavie častki 2 artykuła 153 KK Ukrainy. Maksimalnaje mahčymaje pakarańnie — siem hadoŭ pazbaŭleńnia voli.
Adnak sud vyrašyŭ, što vypravić abvinavačanaha mahčyma biez adbyćcia im pakarańnia. Pakolki «abvinavačany raniej nie sudzimy, źjaŭlajecca ŭdzielnikam antyterarystyčnaj apieracyi na ŭschodzie krainy, utrymlivaje małych dziaciej i maje pastajannaje miesca pracy», — havorycca ŭ prysudzie.
Ciapier čytajuć
Jak skłaŭsia los Jany Pačyckaj — dziaŭčyny, jakuju zatrymlivali razam z Kanavałavym i Kavalovym pa spravie ab terakcie ŭ mietro5
Kamientary