Kamisija pa hiendernaj roŭnaści Paŭdniovaj Afryki pastanaviła, što univiersiteckija stypiendyi dla niavińnic niezakonnyja i pavinny być admienienyja.
Ułady municypaliteta Utchukieła ŭ pravincyi Kvazułu-Natał pryznačyli stypiendyju raniej u hetym hodzie, miarkujučy, što heta dapamoža skaracić vypadki zaražeńnia VIČ i padletkavaj ciažarnaści.
Mer Utchukieły Dudu Mazibuka tady zajaviła, što ŭniviersitety i municypalnyja ŭłady nie buduć sami praviarać cnatlivaść u studentak.
Zamiest hetaha školnicy, jakija ŭžo prajšli pravierku ŭ ramkach štohadovaj cyrymonii, jakuju arhanizuje karol zułusaŭ, zmohuć atrymać stypiendyju, abviaściła jana.
Kamisija, u jakuju źviarnulisia pravaabarončyja hrupy, pastanaviła, što stypiendyja, jakaja zaležyć ad cnatlivaści studentak, pa svajoj sutnaści źjaŭlajecca dyskryminacyjnaj. «Cnota nie źjaŭlajecca istotna važnaj dla navučańnia», — havorycca ŭ zajavie viedamstva.
Pradstaŭniki municypaliteta, jaki ličycca kansiervatyŭnym rehijonam PAR, pakul nie kamientavali rašeńnie.
Kala 6,3 młn čałaviek u Paŭdniovaj Afrycy zaražanyja VIČ, heta kožny dziasiaty žychar krainy. Vypadki rańnich ciažarnaściaŭ u krainie taksama vielmi raspaŭsiudžanyja.
U 2013 hodzie daśledavańnie, praviedzienaje pry padtrymcy ŭrada, vyjaviła, što kolkaść padletkavych ciažarnaściaŭ uzrasła da sta tysiač u paraŭnańni z 68 tysiačami dvuma hadami raniej.
Ciapier čytajuć
Ministr kultury vyciahnuŭ u efir čarhovaha Astapa Bendara. I heta stała apošniaj kroplaj: suprać hetaha fiermiera-chvalka vystupiła siamja11
Kamientary