Jak paviedamlaje brytanskaje vydańnie The Telegraph, ułady brazilskaha štata abviaścili režym nadzvyčajnaj situacyi ŭ suviazi z katastrafičnaj finansavaj situacyjaj. U dakumiencie, jaki apublikavała kiraŭnictva Rya-de-Žaniejra, pakazvajecca, što ŭ suviazi z padzieńniem koštaŭ na naftu, ułady mohuć nie vykanać svaje abaviazacielstvy pierad Alimpijskimi hulniami, jakija startujuć praz 49 dzion.
U dakumiencie pakazvajecca, što kryzis moža pryvieści da «poŭnaha kałapsu» ŭ pytańniach zabieśpiačeńnia biaśpieki, achovy zdaroŭja, adukacyi i achovy navakolnaha asiarodździa.
Pavodle słoŭ hubiernatara štata Fransisku Darneleša, nieabchodnyja žorstkija miery dla vypraŭleńnia finansavaj situacyi. Pavodle jaho słoŭ, vydadzieny dekret pavinien pryciahnuć uvahu brazilskaha ŭrada, jaki pavinien razam sa štatam vyrašać pytańni pracy mietrapalitena, sistemy achovy zdaroŭja i achovy pravaparadku.
Pry hetym meryja Rya-de-Žaniejra pakazała, što surjoznych prablem ź finansami ŭ horada niama, a zajava kiraŭnictva štata nie pavinna adbicca na padrychtoŭcy da Alimpijady.
Na minułym tydni rejtynhavaje ahienctva Fitch paniziła rejtynh štata Rya-de-Žaniejra z V+ da V-, pakazaŭšy na chutkuju stratu likvidnaści.
Z kanca minułaha hoda ŭłady štata byli vymušanyja pajści na zatrymku piensij i vypłatu zarobkaŭ, a taksama na zakryćcio šerahu balnic i adukacyjnych ustanoŭ. Deficyt biudžetu Rya-de-Žaniejra, pavodle dadzienych Guardian, moža dasiahnuć u hetym hodzie $5,56 młrd.
Ciapier čytajuć
Amal usie čaty i supołki kałonij i SIZA Biełarusi pryznali ekstremisckimi farmavańniami. Pad pahrozaj tysiačy čałaviek4
Kamientary