Dvoje viciebskich padletkaŭ zatrymanyja pa padazreńni ŭ źniščeńni majomaści.
Jak paviedamili va UUS Viciebskaha abłvykankama, aŭtamabil, jaki naležyć indyvidualnamu pradprymalniku ź Viciebska, zhareŭ 10 maja. Viciebski haradski adździeł Śledčaha kamiteta raspačaŭ spravu ŭ adnosinach nievyśvietlenaj asoby pa č. 2 art. 218 KK.
U vyniku apieratyŭna-vyšukovaj dziejnaści była atrymanaja infarmacyja, što padpał aŭtamabila ździejśnili dvoje niepaŭnaletnich žycharoŭ Viciebska 2000 hoda naradžeńnia. Akazałasia, što złačynstva nasiła zamoŭny charaktar, u jakaści zamoŭcy vystupiŭ ajčym adnaho z vykanaŭcaŭ, raniej sudzimy žychar abłasnoha centra 1977 hoda naradžeńnia. Za padpał jon zapłaciŭ padletkam pa 100 jeŭra.
Akramia taho, zamoŭca prapanavaŭ pasynku i jaho siabru z vykarystańniem kaktejlaŭ Mołatava ździejśnić padpał pryvatnaha katedža, raźmieščanaha ŭ Kastryčnickim rajonie Viciebska, za što abiacaŭ zapłacić 1500 jeŭra.
Z metaj niedapuščeńnia ździajśnieńnia čarhovaha ciažkaha złačynstva 30 maja zakazčyk i vykanaŭcy byli zatrymanyja ŭ Viciebsku pry pieranosie pakieta ź siamiu šklanymi butelkami z kaktejlem Mołatava. Padazravanyja zatrymanyja ŭ paradku art. 110 KPK, źmieščanyja ŭ IČU pry UUS Viciebskaha abłvykankama. Pravodziacca śledčyja dziejańni i apieratyŭna-vyšukovyja mierapryjemstvy pa raniej zaviedzienaj kryminalnaj spravie.
Praz nabyćcio mocy źmianieńniaŭ u KK, jakimi praduhledžany art. 295-3 KK, za niezakonnyja dziejańni ŭ dačynieńni da pradmietaŭ, paražajučaje dziejańnie jakich zasnavana na vykarystańni haručych rečyvaŭ, takich jak kaktejl Mołatava, zatrymanym taksama pahražaje pakarańnie ŭ vyhladzie pazbaŭleńnia voli da piaci hadoŭ.
Ciapier čytajuć
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna6
Kamientary