Dziaržaŭnaje ŚMI Paŭnočnaj Karei nazvała kandydata na vyłučeńnie ŭ prezidenty ZŠA ad Respublikanskaj partyi Donalda Trampa — mudrym palitykam, vyhadnym KNDR.
U redaktarskaj kałoncy ŭ vydańni DPRK Today Tramp charaktaryzujecca jak «dalnabačny kandydat u prezidenty».
«Prezident, za jakoha pavinny hałasavać hramadzianie ZŠA, - heta nie biazdarnaja Chiłary [najbolš vierahodny kandydat ad demakrataŭ - Chiłary Klintan], a Tramp, jaki kazaŭ pra pieramovy z Paŭnočnaj Karejaj», - havorycca ŭ kałoncy.
Pa słovach aŭtara artykuła, kali słohan «Janki, preč adsiul dadomu!» stanie realnaściu, «nastanie dzień karejskaha abjadnańnia».
Redaktarskaja kałonka nie moža ličycca aficyjnym vykazvańniem pazicyi, ale, chutčej za ŭsio, adlustroŭvaje punkt hledžańnia Pchieńjana, adznačajuć analityki.
Raniej Tramp zajaviŭ, što choča sustrecca ź lidaram KNDR Kim Čen Ynam i prapanavaŭ vyvieści amierykanskija vojski z Paŭdniovaj Karei.
Jon taksama padkreśliŭ, što ŭ vypadku vajny pamiž Paŭdniovaj i Paŭnočnaj Karejaj, nie ličyć patrebnym padtrymlivać jaki-niebudź bok.
Kamientary