Encykłapiedyju «Kultura Biełarusi» płanujuć vypuścić u elektronnym varyjancie. Ab hetym paviedamiŭ na prezientacyi encykłapiedyčnaha prajekta pieršy namieśnik ministra infarmacyi Ihar Łucki.
Pavodle słoŭ pieršaha namieśnika ministra, encykłapiedyčnyja vydańni pieražyvajuć momant abnaŭleńnia i ŭsio čaściej vychodziać u elektronnym vyhladzie. Šaścitomnaje vydańnie «Kultura Biełarusi», jak płanujecca, taksama ŭbačyć śviet u elektronnym varyjancie.
Jon adznačyŭ, što na vypusk šaści tamoŭ encykłapiedyi spatrebiłasia siem hadoŭ. Ludzi roznych śfier kultury ŭnieśli svoj układ u hety maštabny prajekt. Vydańnie stała pieramožcam u śpiecyjalnaj naminacyi «Za ŭkład u zachavańnie duchoŭnaj spadčyny» 55-ha Nacyjanalnaha konkursu «Mastactva knihi».
Jak dadaŭ namieśnik ministra kultury Biełarusi Vasil Černik, z bolš jak 18 tys. artykułaŭ, jakija apublikavany ŭ encykłapiedyi, niekatoryja ŭbačyli śviet upieršyniu. «Heta vydaviecki prajekt, u jakim šmat havorycca ab mastackaj tvorčaści, ab narodnaj tvorčaści Biełarusi», — skazaŭ jon.
Pavodle słoŭ namieśnika staršyni Biełaruskaha fondu kultury Tadevuša Stružeckaha, zaviaršeńnie vypusku encykłapiedyi «Kultura Biełarusi» źjaŭlajecca znakavaj padziejaj kulturnaha žyćcia krainy, i asabliva pryjemna, što prezientacyja hetaha maštabnaha prajekta adbyvajecca ŭ Hod kultury.
Tadevuš Stružecki nie vyklučaje, što ŭ niedalokaj budučyni ŭźniknie nieabchodnaść u dadatkovym tyražy, pakolki heta kniha zojmie miesca nastolnaj u mnohich biełarusaŭ, jana budzie zapatrabavana siońnia i zaŭtra.
Pieršy tom encykłapiedyi «Kultura Biełarusi» ŭbačyŭ śviet u 2010 hodzie. Kožny z šaści tamoŭ uklučaje bolš za 2 tys. 500 artykułaŭ. U padrychtoŭcy vydańnia ŭdzielničaŭ vialiki aŭtarski kalektyŭ — bolš za 600 aŭtaraŭ praktyčna z usioj Biełarusi, viadučych biełaruskich śpiecyjalistaŭ i daśledčykaŭ.
Prajekt padrychtavany ŭ vydaviectvie «Biełaruskaja Encykłapiedyja imia Pietrusia Broŭki» pry padtrymcy i ŭdziele Ministerstva infarmacyi Biełarusi.
Encykłapiedyja «Kultura Biełarusi» ŭnikalnaja, anałahaŭ joj niama na postsavieckaj prastory. U sacyjalna-značnym vydańni ŭ vyhladzie encykłapiedyčnych artykułaŭ pradstaŭlena ŭsia kulturnaja raznastajnaść Biełarusi, historyja kultury krainy i jaje sučasny stan, układ u skarbnicu suśvietnaj kultury.
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi4
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7777
Kamientary