Ukrainskija pamiežniki znajšli 17 karcin, vykradzienych u Italii, na sumu 16 młn jeŭra
Rabotniki pamiežnaj słužby i vajennaj prakuratury praviali paśpiachovuju apieracyju pa pošuku kalekcyi z 17 karcin, vykradzienych z haradskoha muzieja italjanskaj Vierony.
Pra heta paviedamlaje pres-słužba prezidenta Ukrainy Piatra Parašenki.
Pavodle infarmacyi pamiežnikaŭ, ahulny košt znojdzienych rabot Rubiensa, Tyntareta, Pizaneła, Karota i Manteńji pieravyšaje 16 młn jeŭra.
Pa słovach staršyni Dziaržaŭnaj pamiežnaj słužby Ukrainy, hienierał-pałkoŭnika Viktara Nazaranki 6 maja 2016 hoda sumiesnaj śledča-apieratyŭnaj hrupaj u Adeskaj vobłaści, u 1,5 km ad dziaržaŭnaj miažy, pry padrychtoŭcy da pierapravy na terytoryju Małdaŭskaj respubliki, było zatrymana 17 karcin, jakija majuć vialikuju histaryčnuju i mastackuju kaštoŭnaść. 7 maja była praviedzienaja mastackaja ekśpiertyza, u vyniku jakoj vyjaŭlena, što hetyja karciny — aryhinały.
«Hetyja karciny — zorki kalekcyi muzieja Vierony… takimi efiektyŭnymi dziejańniami my nie tolki zachavali suśvietnuju kaštoŭnaść hetych pałotnaŭ, ale i paćvierdzili na naležnym uzroŭni prestyž Ukrainy», — padkreśliŭ prezident.
«Parašenka daručyŭ namieśniku kiraŭnika Administracyi prezidenta Ukrainy Kanstancinu Jelisiejevu źviazacca ź italjanskimi partniorami i zaprasić ekśpiertaŭ dla paćvierdžańnia sapraŭdnaści pałotnaŭ i ŭzhadnieńnia farmalnaściej, źviazanych ź ich pieradačaj», — havorycca ŭ paviedamleńni.
11 listapada 2015 hoda z Haradskoha muzieja Kastelviekja ŭ horadzie Vierona było vykradziena 17 najkaštoŭniejšych karcin starych majstroŭ — Rubiensa, Tyntareta, Pizaneła, Karota i Manteńji.
Pa padazreńni ŭ kradziažy karcin z muzieja Vierony było zatrymana 10 hramadzian Małdovy.
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna6
Kamientary