Mižnarodnaja fiederacyja chakieja dazvoliła kamandzie, jakaja prajhrała ŭ finale čempijanatu śvietu, nie čakać pracedury ŭznaharodžańnia supiernika, jaki zavajavaŭ zołata.
Ciapier zbornaja, jakaja pacierpić parazu ŭ vyrašalnym pajadynku, paśla ŭznaharodžańnia siarebranymi miedalami moža nie zastavacca na ŭručeńnie čempijonskaha kubka. Pra heta TASS paviedamiŭ vice-prezident Mižnarodnaj fiederacyi chakieja (IIHF) Kalerva Kumała.
Paśla finalnaha pajadynku čempijanatu śvietu — 2015 u Prazie, dzie rasiejcy prajhrali Kanadzie (1:6), bolšaść hulcoŭ zbornaj Rasii pierad vykanańniem himna kamandy-pieramožcy adpraviłasia ŭ raspranalniu.
Niekatoryja ŭsio ž zastalisia na placoŭcy — u pryvatnaści, Alaksandr Aviečkin, Jaŭhien Małkin, Viktar Cichanaŭ, Dźmitryj Kulikoŭ.
U žniŭni minułaha hoda Mižnarodnaja fiederacyja chakieja aštrafavała Fiederacyju chakieja Rasii pa vynikach hetaha incydentu na 80 tysiač šviejcarskich frankaŭ.
«My ŭnieśli źmianieńnie, ciapier paśla ŭručeńnia miedaloŭ i pierad uručeńniem kubka kamanda, jakaja prajhrała, moža pakinuć cyrymoniju ŭznaharodžańnia», — skazaŭ Kumała.
Čempijanat śvietu 2016 hoda projdzie z 6 pa 22 maja ŭ Maskvie i Sankt-Pieciarburhu.
Ciapier čytajuć
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna6
Kamientary