Rabotniki, starejšyja za 40 hadoŭ, pakazvajuć najlepšyja vyniki pracy, kali zaniaty nie bolš za try dni na tydzień, havorycca ŭ daśledavańni aŭstralijskich navukoŭcaŭ, u jakim uziali ŭdzieł kala 3000 mužčyn i 3500 žančyn, starejšych za 40 hadoŭ.
Navukoŭcy Mielburnskaha instytuta prykładnoj ekanomiki i sacyjalnych daśledavańniaŭ vyśvietlili, što va ŭmovach niapoŭnaha pracoŭnaha tydnia i pry adsutnaści pieratamleńnia i stresaŭ ŭdzielniki ekśpierymientu demanstravali vialikuju pradukcyjnaść.
Pavodle dadzienych daśledavańnia, kahnityŭnyja zdolnaści tych, chto pracuje kala 60 hadzin u tydzień, byvajuć nižej, čym u biespracoŭnych adnahodkaŭ.
«Praca moža być pałkaj z dvuma kancami. Z adnaho boku, jana stymuluje mazhavuju aktyŭnaść, ale ŭ hety ž čas, z druhoha boku, pierapracoŭki i peŭnyja vidy zadač mohuć pravakavać pieratamleńnie i stres, što, u svaju čarhu, moža niehatyŭna adbicca na paznavalnych zdolnaściach», — havorycca ŭ daśledavańni.
Pa słovach prafiesara ekanomiki va Univiersitecie Kejo Kolina Makienzi, pierapracoŭki mohuć nanieści značna bolšuju škodu dziejnaści mozhu, čym adsutnaść pracy.
Aŭtary daśledavańnia padkreślivajuć, što hetyja vysnovy vielmi važnyja va ŭmovach, kali ŭ mnohich krainach prymajecca rašeńnie ab pavyšeńni piensijnaha ŭzrostu.
Prafiesar ekanomiki Łankasterskaha univiersiteta Hierajnt Džons padkreślivaje, što daśledavańnie tyčycca tolki supracoŭnikaŭ starejšych za 40 hadoŭ.
U toj ža čas, pavodle jaho słoŭ, nielha zrabić vysnovu, što dla supracoŭnikaŭ inšych uzrostavych hrup hetyja vysnovy niespraviadlivyja.
Ciapier čytajuć
Ministr kultury vyciahnuŭ u efir čarhovaha Astapa Bendara. I heta stała apošniaj kroplaj: suprać hetaha fiermiera-chvalka vystupiła siamja11
Kamientary