Premjer-ministr Isłandyi Sihmiundziur David Hiunlojhsan syšoŭ u adstaŭku na fonie abvinavačvańniaŭ u tym, što jon chavaŭ srodki ŭ afšornaj kampanii.
Da hetaha momantu Hiunlojhsan admaŭlaŭsia sychodzić u adstaŭku i navat paprasiŭ prezidenta krainy Oŭłaviura Rahnara Hrymsana raspuścić na fonie skandału parłamient krainy.
U paniadziełak kala budynka isłandskaha parłamienta prajšła maštabnaja akcyja pratestu suprać premjera, a apazicyja prystrašyła vykazać votum niedavieru premjeru.
Akramia taho, pietycyju za adstaŭku premjera ŭ internecie padpisali 23 tysiačy čałaviek. Nasielnictva Isłandyi składaje kala 330 tysiač.
Infarmacyja pra toje, što Hiunlojhsan i jaho žonka źjaŭlajucca ŭładalnikami afšornaj kampanii Wintris, źjaviłasia ŭ tak zvanych «panamskich dakumientach».
Sam premjer-ministr nie zadekłaravaŭ hetyja inviestycyi, kali jon byŭ abrany deputatam parłamienta ŭ 2009 hodzie. Praz vosiem miesiacaŭ jon pradaŭ 50% kampanii, jakija naležali jamu, svajoj žoncy za adzin dalar.
Zhodna z dakumientam, padpisanym jaho žonkaj Annaj Sihurłaŭn Paŭłsdocir u 2015 hodzie, kampanija Wintris inviestavała miljony dalaraŭ, atrymanych žonkaj premjera ŭ spadčynu.
Hiunlojhsan zajaviŭ, što nie parušaŭ nijakich praviłaŭ ci zakonaŭ, i što jaho žonka na hetaj uhodzie ničoha nie zarabiła.
Ciapier čytajuć
Kudy ciapier jeduć vučycca biełaruskija studenty — top krain i tendencyj8
Kudy ciapier jeduć vučycca biełaruskija studenty — top krain i tendencyj
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7070
Kamientary