Trahikamiedyja «HaraŠ», źniataja kamandaj niezaležnych biełaruskich kiniematahrafistaŭ, 11 lutaha vychodzić na ekrany Minska i inšych haradoŭ Biełarusi, paviedamiŭ režysior i scenaryst filma Andrej Kurejčyk.
U Minsku pakazy «HaraŠa» projduć u kinateatrach «Maskva», «Pieramoha», «Silvierskryn» i ŭ «Art-kinateatry». Adnačasova z hetym stužku zmohuć ubačyć žychary Baranavič, Biarozy, Barysava, Bresta, Viciebska, Vaŭkavyska, Hrodna, Lidy, Mahilova, Mazyra, Maładziečna, Navahrudka, Pinska, Kobryna, Połacka i Salihorska. «I heta nie poŭny pieralik. Śpis haradoŭ budzie dapoŭniacca pa miery taho, jak buduć adpracoŭvacca kopii [filma]», — padkreśliŭ Kurejčyk.
Dla pakazu ŭ kinateatrach zdymačnaja kamanda zmantavała śpiecyjalnuju viersiju filma. Varta adznačyć, što da prahladu buduć dapuskacca asoby, starejšyja za 14 hadoŭ.
Heta darosłaje kino. U nas jość tolki viera ŭ svajho hledača, jaki paznaje ŭ hetym filmie svaju realnaść i taksama padumaje i paśmiajecca ź jaje», — skazaŭ Kurejčyk.
Stvaralniki «HaraŠa» raźličvajuć na toje, što ŭ kinaprakacie stužka budzie iści da troch tydniaŭ.
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi4
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7777
Kamientary