Трагікамедыя «ГараШ», знятая камандай незалежных беларускіх кінематаграфістаў, 11 лютага выходзіць на экраны Мінска і іншых гарадоў Беларусі, паведаміў рэжысёр і сцэнарыст фільма Андрэй Курэйчык.
У Мінску паказы «ГараШа» пройдуць у кінатэатрах «Масква», «Перамога», «Сільверскрын» і ў «Арт-кінатэатры». Адначасова з гэтым стужку змогуць убачыць жыхары Баранавіч, Бярозы, Барысава, Брэста, Віцебска, Ваўкавыска, Гродна, Ліды, Магілёва, Мазыра, Маладзечна, Навагрудка, Пінска, Кобрына, Полацка і Салігорска. «І гэта не поўны пералік. Спіс гарадоў будзе дапоўняцца па меры таго, як будуць адпрацоўвацца копіі [фільма]», — падкрэсліў Курэйчык.
Для паказу ў кінатэатрах здымачная каманда змантавала спецыяльную версію фільма. Варта адзначыць, што да прагляду будуць дапускацца асобы, старэйшыя за 14 гадоў.
Гэта дарослае кіно. У нас ёсць толькі вера ў свайго гледача, які пазнае ў гэтым фільме сваю рэальнасць і таксама падумае і пасмяецца з яе», — сказаў Курэйчык.
Стваральнікі «ГараШа» разлічваюць на тое, што ў кінапракаце стужка будзе ісці да трох тыдняў.
Сталі вядомыя падрабязнасці пра трагедыю ў Полацкім манастыры16
Сталі вядомыя падрабязнасці пра трагедыю ў Полацкім манастыры
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары