18 studzienia «Aščadbank» padaŭ apaviaščeńnie ab arbitražnym razhladzie suprać Rasii ŭ adpaviednaści z Arbitražnym rehłamientam Kamisii AAN pa pravie mižnarodnaha handlu 1976 hoda.
Pra heta paviedamlaje pres-słužba banka.
«Heta nastupny krok u vyrašeńni zakonnych pretenzij «Aščadbanka» da Rasii. Bank dziejničaje jak inviestar i jak jurydyčnaja asoba pryvatnaha prava z metaj ekanamičnaj abarony i adnaŭleńnia svaich stračanych u Krymie inviestycyj», — skazana ŭ paviedamleńni.
Bank nahadvaje, što pieršy krok u hetym kirunku jon zrabiŭ u lipieni 2015 hoda, nakiravaŭšy aficyjnaje paviedamleńnie ŭpaŭnavažanych pradstaŭnikoŭ RF u dačynieńni pretenzij za niezakonna jeabychodžańnie ź inviestycyjami, jakija naležać «Aščadbanku» ŭ Krymie, u parušeńnie šmatlikich pałažeńniaŭ pahadnieńnia pamiž uradami Rasii i Ukrainy ab zaachvočvańni i ŭzajemnaj abaronie inviestycyj ad 27 listapada 1998 hoda, a taksama mižnarodnaha prava.
Hetym paviedamleńniem «Aščadbank» infarmavaŭ Rasiju pra isnavańnie sprečki i nastojvaŭ na urehulavańni sprečki z metaj kampiensacyi «Aščadbanku» pryčynienych strat.
Pakolki Rasija nie adkazała, «Aščadbank» skarystaŭsia svaim pravam i pačaŭ arbitražny praces suprać RF.
«Arbitražu adpaviednaści z pahadnieńniem źjaŭlajecca abaviazkovym pracesam, jaki daje «Aščadbanku» mahčymaść padavać pazoŭ i realizoŭvać svaje pravy niezaležna ad taho, prymaje ŭ im udzieł Rasijskaja Fiederacyja ci nie. Dla taho i isnujuć mižnarodnyja arbitražnyja trybunały, kab vyrašyć sprečku kančatkova i spraviadliva», — zajaviŭ kiraŭnik banka Andrej Pyšny.
U paviedamleńni nahadvajecca, što «Aščadbank» pa stanie na sakavik 2014 hoda mieŭ najbujniejšuju bankaŭskuju sietku ŭ Krymie.
Ciapier čytajuć
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty24
Kamientary