Ukraina ŭvodzić kontrembarha na pradukty z RF terminam da 5 žniŭnia
Embarha na šerah tavaraŭ z RF, uviedzienaje ukrainskim uradam u adkaz na rasijskaje embarha, jakoje ŭstupić u siłu 10 studzienia, budzie dziejničać da 5 žniŭnia 2016 h.
Tekst adpaviednaj pastanovy №1147 ad 30 śniežnia 2015 h. apublikavany na sajcie Kabmina Ukrainy.
«Heta pastanova ŭstupaje ŭ siłu z 10 studzienia 2016 hoda. Pastanova hublaje siłu 5 žniŭnia 2016 h. abo paśla admieny zabarony na ŭvoz na mytnuju terytoryju Rasijskaj Fiederacyi tavaraŭ sielskahaspadarčaha pryznačeńnia, pradukcyi i syraviny, pachodžańniem z Ukrainy», — havorycca ŭ dakumiencie.
Embarha dziejničaje na impart rasijskich praduktaŭ charčavańnia: miasa, ryby, šerahu małočnych praduktaŭ, płaŭlenych syroŭ, kavy, harbaty, charčovych sumiesiaŭ, kandytarskich i chlebabułačnych vyrabaŭ, praduktaŭ dziciačaha charčavańnia, makaronnych vyrabaŭ, soŭsaŭ; dabavak dla maku i prypravaŭ, piva, śpirtu, harełki, karmoŭ dla sabak, cyharet ź filtram.
Nahadajem, z 1 studzienia RF raspaŭsiudziła dziejańnie charčovaha embarha na Ukrainu. Heta praduhledžana pastanovaj urada RF ad 21 śniežnia 2015 h. ab raspaŭsiudzie na Ukrainu ekanamičnych mier u adkaz u suviazi ź jaje dałučeńniem da antyrasiejskich sankcyj.
Ciapier čytajuć
Kaleśnikava: U 2020‑m ja zmahałasia nie suprać Łukašenki, a za ludziej, svabodu i svabodnyja vybary65
Kamientary