DAI rekamienduje kiroŭcam dyzielnaha transpartu adkłaści pajezdki: čakajecca da 25 hradusaŭ marozu
U niadzielu, 3 studzienia mjescami projdzie nievialiki śnieh, na darohach zachavajecca hałalodzica. Viecier budzie niaŭstojlivy słaby, paviedamili BiełTA ŭ Respublikanskim centry pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Minpryrody.
Tempieratura pavietra ŭnačy składzie 14—20 hradusaŭ nižej za nul, miescami jana apuścicca da 21—25. Dniom prahnazujecca ad 8 da 14 marozu, u asobnych rajonach — 15—17 hradusaŭ nižej za nul.
DAI rekamienduje kiroŭcam dyzielnaha transpartu adkłaści pajezdki.
«Vadzicielam dyzielnaha transpartu pry takim nadvorji my rekamiendujem vykarystoŭvać tolki zimovy vid paliva, lepšym ža rašeńniem budzie adkłaści pajezdki na čas pachaładańnia. Za minułyja sutki zarehistravana bolš za 10 vypadkaŭ pieramiarzańnia paliŭnaj sistemy ruchavika ŭ darozie, asabliva heta zakranuła hruzapieravozčykaŭ», — padkreślili ŭ DAI.
«Kali pałomka vašaj aŭtamašyny adbyłasia ŭ darozie na terytoryi Minskaj vobłaści i vam patrebna dapamoha, źviartajciesia ŭ dziažurnuju čaść DAI pa telefonie 229-04-44, 204-42-44, GSM 102 (zvanok biaspłatny)», — nahadali ŭ UDAI UUS Minabłvykankama.
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie11
Kamientary