U kramy Minska zavieźli biełaruskija kłubnicy — ale ceny šalonyja
U staličnym supiermarkiecie zaŭvažyli biełaruskija kłubnicy, jakija pradajuć u nievialikich upakoŭkach, zaŭvažyła vydańnie Tochka.by.
250 hramaŭ jahad kaštujuć 13,48 BYN za ŭpakoŭku abo 53,92 BYN za kh.
Jość i varyjant tańniejšy, ad inšaha vytvorcy. Upakoŭka toj ža vahi pradajecca pa 10,78 BYN za štuku abo 43,12 BYN za kh.
Raniej u kramach byli pradstaŭlenyja ŭ asnoŭnym hrečaskija i jehipieckija jahady.
Pastupova cana na biełaruskija kłubnicy, viadoma, pačnie padać, bo pačniecca kłubničny siezon, ale treba jašče pačakać.
Tym časam usio bolš biełaruskich kłubnic zavoziać na Kamaroŭku. Tam jany kaštujuć 25—40 BYN za kh. A voś impartnyja tańniejšyja — 12—20 BYN za kh.
Na hałoŭnym rynku Minska šmat taksama čarešni pa 22,9—130 BYN za kh. Padajuć ceny i na durnicy (bujaki), jakija kaštujuć pa 45—79 BYN za kh. U adnaho pradaŭca jość i žuraviny — pa 23 BYN.
Taksama źjavilisia pieršyja biełaruskija ažyny. Cana na ich hihanckaja — 30 BYN za maleńkuju ŭpakoŭku.
Chapaje na rynku i sadaviny, cana na jaje pakrysie źnižajecca.
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie28
Kamientary