Rasijskija vajskoŭcy śviadoma atakujuć aŭtamabili humanitarnaj misii AAN i jašče hetym chvalacca
U telehram-kanale ŭkrainskaha prajekta «Chaču žyć» źviarnuli ŭvahu na videa, jakoje źjaviłasia ŭ adnym z Z-kanałaŭ. U im pakazana, jak rasijskija vajskoŭcy z hrupoŭki vojskaŭ «Dniapro» palujuć na Chiersonščynie za admysłova paznačanymi mašynami Upraŭleńnia AAN pa kaardynacyi humanitarnych prajektaŭ i navat hetaha nie chavajuć — sami pišuć, što «zasiakli braniravany aŭtamabil ź simvolikaj AAN».
Charakterna, što videa supravadžajecca pieśniaj razbojnikaŭ z savieckaha multfilma «Bremienskija muzyki».
«Na samaj spravie heta nie samaje strašnaje, što tvorać ruskija. Aŭtamabil sapraŭdy braniavany, šaniec vyžyć jość. Kudy strašniejšaje «čałaviečaje safary», jakoje ruskija zładzili ŭ Chiersonie. Rasijskija apieratary BPŁA ź levaha bieraha Dniapra štodnia zalatajuć u Chierson i atakujuć ludziej. Stary na rovary, mužčyna na raźbitych «Žyhulach», žančyny na prypynku, pažarnaja mašyna — ruskija zabivajuć usich. Heta nie pierabolšańnie i nie prapahanda — jany sami publikujuć videa ŭdaraŭ dronaŭ. Tak jany navučajuć svaich apierataraŭ BPŁA «bajavoj rabocie».
Tolki za 2024—2025 hady ŭ Chiersonskaj vobłaści ad rasijskich udaraŭ BPŁA zahinuli 712 mirnych žycharoŭ, paranienyja 4175 čałaviek. Akramia taho, paciarpieli 480 supracoŭnikaŭ DSNS, MUS, vałancioraŭ i miedykaŭ.
Ataki adbyvajucca amal štodnia. Časam za sutki — niekalki dziasiatkaŭ vyletaŭ dronaŭ mienavita pa cyvilnych. Ludzi chavajucca pad sietkami ad dronaŭ, nie vychodziać biez krajniaj patreby, žyvuć u padvałach.
Praktyka nie ŭnikalnaja dla Chiersona — padobnyja «safary» ŭžo fiksujuć u Zaparožskaj, Dnieprapiatroŭskaj i navat Čarnihaŭskaj abłaściach. Ale mienavita ŭ Chiersonie jana stała samaj masavaj i sistemnaj.
My majem spravu z absalutnym złom, jakoje vydatna ŭśviedamlaje svaju sutnaść i hanarycca hetym», — adznačajuć u prajekcie «Chaču žyć».
Ciapier čytajuć
Deputatka, jakaja rychtuje pryhažuń dla Łukašenki, vyjšła zamuž23
Kamientary