Były hałoŭny trenier «Mančestar Junajted» Aleks Fierhiusan raspavioŭ ab historyi, kali nielha zahadzia śviatkavać pieramohu na prykładzie biełaruskaj tenisistki Viktoryi Azaranki.
«Ja atrymaŭ pieršy značny ŭrok na temu samaŭpeŭnienaści ŭ 1968 hodzie, u moj pieršy siezon jak hulca «Rejndžers». My nie prajhravali da samaha apošniaha matču z «Abierdzinam», a ŭ im užo «źlili» 3:2 i prajhrali čempijanat [Šatłandyi]. Paśla hulni tysiačy zaŭziataraŭ prosta zvarjacieli — raźbivali šyby i ładzili biesparadki. Heta byŭ chaos. Nam spatrebiŭsia palicejski eskort, kab pakinuć stadyjon cełymi. Nie tak šmat patrabavałasia, kab vyjhrać lihu. Ad nas patrabavałasia vyjhrać tolki adzin matč —ale my i z hetym nie spravilisia.
Inšy prykład praźmiernaj upeŭnienaści, zapamiataŭsia mnie, byŭ prademanstravany na tenisnym matčy. Ja prysutničaŭ na finale adkrytaha čempijanatu ZŠA siarod žančyn u 2012 hodzie, kali Viktoryja Azaranka amal abyhrała Sierenu Uiljams.
Azaranka viała 5:3 u vyrašalnym secie i trochi pamachała rukoj svajoj siamji i siabram na trybunach. Z hetaha momantu ŭsio pajšło nie tak. Jana prajhrała svoj hiejm na čempijonstva, i Uiljams ŭziała trafiej. Ja bačyŭ tvar Azaranka paśla taho, jak jana prajhrała. Jana była spustošana. Heta lišni raz dakazvaje: nikoli nie dumajcie pra kubak da taho času, pakul vy jaho nie vyjhrali», - raspavioŭ Fierhiusan.
Ciapier čytajuć
Byłoha supracoŭnika kontrraźviedki KDB aryštavali za zdradu dziaržavie9
Kamientary