Mienš čym praz hod u Biełaruś budzie dastaŭleny pieršy Boeing «Biełavija» pryncypova novaha dyzajnu. Avijatary natchnilisia idejaj vypusknika BDU Illi Andrejeva, ale nie stali ŭvasablać jaje całkam, piša Onliner.by, jaki pacikaviŭsia ŭ rabotnikaŭ kampanii padrabiaznaściami anansavanaha rebrendynhu.
— Pytańnie prapracoŭvajecca. U nas užo faktyčna hatovaja liŭreja novaha samalota, — kaža načalnik adździeła rekłamy i kamunikacyj «Biełavija» Volha Hierasienka. - Pakul my nie pahłyblajemsia ŭ detali i nie raskazvajem, jakija simvały i kolery buduć vykarystanyja. Bo chočam pradstavić navinku niepasredna ŭ Minsku, kali z zavoda-vytvorcy prylacić Boeing kampanii. Jaho razmaloŭka budzie rabicca niepasredna ŭ Sietle.
Adpaviedna, što raniej prapanavanaja dyzajnieram Illoj Andrejevym «vasilkovaja» kancepcyja nie była zaćvierdžana całkam.
— Tak, Andrejeŭ prapanavaŭ svaju ideju i, tak skažam, natchniŭ kampaniju na rebrendynh. My da hetaha času kantaktujem. Illa daje parady nakont viasnovaha vyhladu i kvietak, jakija varta vykarystoŭvać. Andrejeŭ nie kiraŭnik hetaha prajekta, jon natchnialnik i kansultant. Prosta Illa — fanat avijacyi. I akazvaje dapamohu kampanii na absalutna biaspłatnaj asnovie.
— Pieršapačatkova zajaŭlenaja kvietkavaja tematyka budzie vykarystoŭvacca?
- Nie mahu skazać.
Adnak dyzajnu Ilji ŭ prapanavanym vyhladzie na samalotach «Biełavija» vy nie ŭbačycie. Liŭreja budzie absalutna inšaja.
Što tyčycca łahatypa, nijakaha vasilka pakul nie płanujecca. Choć peŭny nacyjanalny matyŭ budzie prysutničać. I heta nie praduhledžvaje vykarystańnie koleraŭ ściaha.
Ciapier čytajuć
Siłaviki śćviardžajuć, što zatrymali dvuch mužčyn za hałasavańnie na vybarach u KR. Ale ci možna hetamu vieryć?7
Kamientary