Namieśnik kiraŭnika sinadalnaha Adździeła pa ŭzajemaadnosinach Carkvy i hramadstva śviatar Raman Bahdasaraŭ zajaviŭ, što chryścijanam dazvolena ŭžyvać u ježu nie ŭsie pradukty.
«Niekatoryja pamylajucca i dumajuć, što kali dzień skaromny, to možna jeści ŭsio što chočaš. Naprykład, zabaroniena jeści hiennamadyfikavanyja pradukty, jakija prynosiać mocnuju škodu nie tolki samomu čałavieku, ale i jaho naščadkam. U carkoŭnaj praktycy zakładziena žorstkaje praviła, što hrech — heta toje, što škodzić zdaroŭju čałavieka», — pryvodzić «Interfaks» słovy śviatara.
Na jaho dumku, u śpis praduktaŭ, zabaronienych dla viernikaŭ, uvachodziać «roznyja transhiennyja tłuščy, ałkaholnyja napoi drennaj jakaści, čypsy, enierhietyki — usio toje, što ŭpłyvaje na zdaroŭje čałavieka ŭ admoŭny bok». Taksama chryścijaninu nielha dziejničać na škodu sabie zališnim vinapićciem abo zališnim spažyvańniem ježy, śćviardžaje śviatar.
Raniej Hramadskaja pałata RF prapanavała ŭvieści pravasłaŭny standart praduktaŭ i pasłuh. Z takoj inicyjatyvaj vystupiŭ staršynia kamisii pa sacyjalnaj palitycy Uładzimir Ślepakoŭ. Adpaviedny list byŭ nakiravany patryjarchu. Novaja sistema siertyfikacyi dazvolić paćvierdzić nie tolki vysokuju jakaść i biaśpieku pradukcyi, ale i acanić jaje stanoŭčy ŭpłyŭ na duchoŭnaje i fizičnaje zdaroŭje ludziej.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary