Śledčyja vykryli bandu, jakaja ździejśniła razbojny napad u maskach i sieryju kradziažoŭ ŭ Pastaŭskim rajonie
Viciebskimi śledčymi vykryta złačynnaja hrupa, jakaja ŭčyniła sieryju kradziažoŭ i razbojny napad na 85-hadovuju babulu ŭ Pastaŭskim rajonie.
U sakaviku 2014 hoda ŭ Pastaŭskim rajonie adbyŭsia razbojny napad na sastarełuju žančynu. Troje nieviadomych, zahadzia raźmierkavaŭšy roli, chavajučy tvary pad śpiecyjalna vyrablenymi maskami z prarezami dla vačej, vystavili akonnaje škło i pranikli ŭ dom paciarpiełaj. U domie jany źbili 85-hadovuju žančynu, ściahnuli jaje dabro i ŭciakli, paviedamlaje aficyjny pradstaŭnik USK pa Viciebskaj vobłaści Ina Harbačova.
Staraja nie zmahła peŭna apisać tych, chto napadaŭ, tamu znajści złamyśnikaŭ pa haračych śladach milicyja nie zmahła.
Tym časam, na terytoryi Pastaŭskaha rajona adbyłasia sieryja kradziažoŭ ź sielskich kramaŭ.
Paśla zakryćcia kramy z dapamohaj śpiecyjalnych prystasavańniaŭ nieviadomyja pierakusvali draty sihnalizacyi i adciskali ŭvachodnyja dźviery kramy. Złačyncy vykradali pradukty charčavańnia i pakinutuju ŭ kasie vyručku.
Acenka kanfiskavanych ź miescaŭ zdareńniaŭ rečavych dokazaŭ, analiz apieratyŭnaj abstanoŭki, jakaja skłałasia na terytoryi rajona, vykarystańnie adnolkavych srodkaŭ złačynstva dazvolili śledčym zrazumieć, što ŭ Pastaŭskim rajonie dziejničaje złačynnaja hrupa i što sieryja kradziažoŭ i razbojny napad na staruju byli ździejśnienyja adnymi i tymi ž asobami.
Pa padazreńni byli zatrymanyja 22- i 27-hadovy stryječnyja braty, jakija pražyvajuć u Pastaŭskim rajonie, a taksama ich 28-hadovy znajomy. Usie troje raniej nie byli sudzimyja.
Ciapier ich abvinavačvajuć pa častcy 2 artykuła 205 (kradziež, učynieny hrupaj asob), častcy 2 artykuła 207 (razboj, učynieny z praniknieńniem u žyllo, hrupaj asobaŭ) KK. Kryminalnaja sprava pieradadziena prakuroru dla nakiravańnia ŭ sud.
Ciapier čytajuć
«Liču, što heta maja misija». Biełaruskamoŭny Pavieł z DCP vyklikaŭ chvalu zachapleńnia, zajzdraści i lubovi4
Kamientary