Pra heta paviedamiŭ siońnia žurnalistam ministr achovy zdaroŭja Vasil Žarko.
«Chutka vyjdzie narmatyŭny dakumient pa ŭzmacnieńni mier, što prymajucca da kureńnia. My hety narmatyŭny dakumient raspracavali, uzhadnili z usimi ministerstvami i viedamstvami», — skazaŭ Vasil Žarko.
Ministr nie staŭ nazyvać asnoŭnyja pałažeńni dakumienta, adnak adznačyŭ, što jon budzie padobny da antytytuniovaha zakona, jaki byŭ padrychtavany Ministerstvam achovy zdaroŭja jašče ŭ 2013 hodzie.
Vasil Žarko kanstatavaŭ, što apošnim časam u Biełarusi adznačajecca značnaje źnižeńnie śmiarotnaści ad atručeńnia ałkaholem. Taksama rezka źniziłasia kolkaść pastupleńniaŭ u stacyjanary ŭ stanie ałkaholnaha apjanieńnia i psichozaŭ.
U Biełarusi, pavodle danych vybaračnaha abśledavańnia damašnich haspadarak pa ŭzroŭni žyćcia, na pačatak 2015 hoda dola kurcoŭ va ŭzroście 16 hadoŭ i starejšym skłała 24,4%. Za pieryjad z pačatku 2000 hoda heta najmienšaje značeńnie pakazčyka. Źnižeńnie ahulnaj raspaŭsiudžanaści kureńnia adbyłosia za košt źmianšeńnia raspaŭsiudžanaści kureńnia siarod mužčyn. Za 15 hadoŭ dola mužčyn, jakija kurać, źniziłasia na 7,9 pracentnaha punkta i na pačatak 2015 hoda skłała 45,8%. Za hety pieryjad dola žančyn, jakija kurać, vyrasła ŭ 1,9 raza i skłała 9,3%.
Ciapier čytajuć
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma12
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času1919
Kamientary