Muzyka kaža, što padčas homielskaha kancertu nia bačyŭ, kab kahości zatrymlivali, i vielmi ździviŭsia, kali daznaŭsia pra hety incydent.
32‑hadovaha Kastusia Žukoŭskaha skrucili adrazu čatyry čałavieki — dva milicyjanty i dva čałavieki ŭ cyvilnym, kali toj na ŭvachodzie ŭ zału razdavaŭ ulotki ź infarmacyjaj pra Biełaruskuju Narodnuju Respubliku. Zatrymali taksama 21‑hadovuju dziaŭčynu — Maryju Tulžankovu. Usie vychodnyja aktyvisty praviali ŭ śledčym izalatary.
U subotu žonka Kastusia Žukoŭskaha Alena daznałasia, što jaje muž abvieściŭ haładoŭku:
‑ U subotu padvoziła ciopłyja rečy i izalatar i milicyjant skazaŭ, što Kastuś abvieściŭ haładoŭku i napisaŭ adpaviednuju zajavu. Kožny raz, jak jon traplaje za kraty — abviaščaje haładoŭku. Treci raz užo…
Aktyvistaŭ vinavacili ŭ drobnym chulihanstvie, sud pryznačyli na siońnia, 17 sakavika. Paplečnik Kastusia Žukoŭskaha Andruś Cianiuta ad vośmaj ranicy čakaŭ la budynku suda Centralnaha rajona Homiela. Kastusia i Maryju pryvieźli bližej da dvanaccaci i ŭžo praz 20 chvilin abvieścili prysud.
Tulžankovu adpuścili, prysudziŭšy štraf pamieram 10 bazavych vieličyń, heta amal 170 dołaraŭ. Taki samy štraf dali i Žukoŭskamu, ale vypravili nazad u turmu — na 14 sutak.
‑ Pryviali ich u sud, niby jak złačyncaŭ, choć sudzili za drobnaje chulihanstva. Kastuś Žukoŭski budzie praciahvać haładoŭku ŭ znak niazhody z prysudam. Vyjdzie na volu jon jakraz 26 sakavika — absalutna zrazumieła, što jaho zatrymańnie źviazana z akcyjaj na Dzień Voli, — ličyć Andrej Cianiuta.
Što tyčyć hurta N.R.M, to ŭ bližejšyja dni jon maje adyhrać vialikija solnyja kancerty jašče ŭ Minsku, Breście i Hrodnie. Lider hurta Lavon Volski kaža, što padčas homielskaha kancertu nie bačyŭ, kab kahości zatrymlivali, i vielmi ździviŭsia, kali daznaŭsia pra hety incydent. Muzyka kaža, kali zdaracca zatrymańni na jaho vystupie, to jon adrazu spynić kancert:
‑ Zatrymańniaŭ u Homieli ja sa sceny nie bačyŭ, užo paśla kancerta pra heta daznaŭsia. Dziejańni pravaachoŭnych orhanaŭ absalutna niełahičnyja, iznoŭ stvarajecca takaja dzikaja situacyja. My zaŭsiody reahujem na takija rečy i budziem reahavać — kali takoje zdarycca, budziem spyniać kancert i sprabavać narmalizavać situacyju.
-
Časam niečakanaja historyja biełaruskich himnaŭ: «My vyjdziem ščylnymi radami», «Pahonia», «Žyvie Biełaruś», «Radzima maja darahaja», «Mahutny Boža» (ź VIDEA)
-
Vyjšaŭ pierakład ramana Sašy Filipienki «Viartańnie ŭ Astroh»
-
«Naša Niva» vypuściła vialiki siužet pra zorku «Pieśniaroŭ» Leanida Bartkieviča
Jak biełarusy ŭ Vilni adznačyli Dzień Voli ŠMAT FOTA4
Jak biełarusy ŭ Vilni adznačyli Dzień Voli ŠMAT FOTA
Časam niečakanaja historyja biełaruskich himnaŭ: «My vyjdziem ščylnymi radami», «Pahonia», «Žyvie Biełaruś», «Radzima maja darahaja», «Mahutny Boža» (ź VIDEA)1111
Kamientary