Dziaržaŭnaja kampanija «Biełtelekam» prapanavała sajtu NN.BY dadatkovuju abaronu ad DDoS-atak u dzień prezidenckich vybaraŭ. Dla hetaha, jak nam było paviedamlena, imi realizavana aparatnaje rašeńnie pa ačystcy ŭsiaho trafiku ad škodanosnaha.
Anałahičnuju prapanovu atrymali inšyja resursy, jakija, na dumku «Biełtelekama», mohuć stać abjektami ddos-atak u dzień hałasavańnia.
Pavodle infarmacyi «Našaj Nivy», chostar NN.BY, kampanija «Ekstmiedyja», razam ź inšymi bujnymi chostynh-pravajdarami i internet-resursami (onliner.by, tut.by) atrymali hetuju prapanovu vusna, na sustrečy z techničnymi śpiecyjalistami CADa «Biełtelekama». Na hetaj sustrečy pravajdaram było paviedamlena, što tolki što padradčyki skončyli mantaž abstalavańnia dla ačystki trafiku ad DDoS-atak na ŭzroŭni centralnaha maršrutyzatara.
Pravajdaram prapanavali biaspłatna abaranić tych našych klijentaŭ, jakich zvyčajna atakujuć. Hetaja pasłuha budzie dziejničać tolki na čas vybaraŭ.
Takim čynam «Biełtelekam» choča zaścierahčysia ab abvinavačvańniaŭ u błakavańni i DDoS-atakach.
Nijakich piśmovych pahadnieńniaŭ pravajdary z BTK nie padpisvali. Heta prosta dobraja vola BTK.
Jak paviedamili «Našaj Nivie», ačystku trafiku ŭ vypadku DDoS BTK budzie vieści ŭ paŭručnym režymie.
U dzień vybaraŭ u 2010 hodzie NN.BY adbiŭ DDoS-ataku svaimi siłami, ale dostup da sajta paroju byŭ uskładnieny. Vialikaja častka sajtaŭ tady akazałasia zabłakavanaja.
U 2014 hodzie NN.BY byŭ adklučany «Biełtelekamam» na čas šeścia na Dzień Voli 25 Sakavika. Zrešty, heta pakazaŭ vynik niezaležnaha rasśledavańnia, BTK nie ŭziaŭ na siabie adkaznaści za adklučeńnie.
Kali ŭ 2010 ci 2011 hadach DDoSili abo adklučali dostup ź Biełarusi da Gmail, Facebook, Vkontakte i h.d., to ŭ 2014-m dubova adklučyli adras raźmieščanaha ŭ Biełarusi sajta.
Jak pakazvaŭ traceroute, pieradača źviestak abryvałasia na na asbr3.net.belpak.by. Vierahodna, internet-resurs zabłakavali na šluzie biełaruskaha data-centra.
U śniežni 2014 u časie finansavaha kryzisu byli zabłakavanyja šerah internet-resursaŭ, raźmieščanych u zonie.baj. U ich lik trapili Onliner.by, Naviny.by. Što datyčyć aryjentavanych na biełaruskuju aŭdytoryju partałaŭ, raźmieščanych za miežami Biełarusi, to «Biełaruski partyzan» loh, a voś spynić dostup da «Chartyi-97» złamyśniki da kanca tak i nie zdoleli i sajt zastavaŭsia pieravažna dastupny praz Opieru Turba i inšyja prostyja sposaby dostupu.
3 kastryčnika DDoS-ataka paralizavała pracu sajta ahienctva BiełaPAN i jaho navinavaha partała Naviny.by, paśla taho jak hetaje vydańnie źmiaściła krytyčny repartaž pra zhaniańnie biudžetnikaŭ na «Malitvu za Biełaruś» z udziełam Alaksandra Łukašenki.
NN.BY zabiaśpiečyć vyčarpalnaje i abjektyŭnaje pakryćcio padziej 11 kastryčnika.
«Naša Niva» pryniała prapanovu «Biełtelekama» i spadziajecca, što dzień 11 kastryčnika projdzie biez techničnych prablem.
Varta adznačyć, što, u adroźnieńnie ad, skažam, «Chartyi-97», sajt «Našaj Nivy», jaho siervier, fizična raźmieščany ŭ Biełarusi. Dla nas heta pryncypova — my biełaruskaja hazieta. Heta taksama patrabavańnie zakanadaŭstva. Zhodna z ukazam №60, biełaruskija jurydyčnyja asoby abaviazany raźmiaščać svaje sajty tolki na terytoryi Biełarusi. Niekatoryja biełaruskija ŚMI dahetul hetaha nie ažyćciavili, ale adpaviedna ich sajty, ź jurydyčnaha punktu hledžańnia, nie majuć aficyjnaha charaktaru.
Nahadajem, što ŭ vypadku prablem z dostupam da NN.BY šukajcie našu infarmacyju na staronkach «Našaj Nivy» ŭ fejsbuku, Ukantakcie, u Tvitary.
Ukantakcie — vk.com/nasa_niva
Fejsbuk — facebook.com/pages/Naša-Niva-pieršaja-biełar…
Tvitar — twitter.com/@nasa_niva
Kamientary