Abama: Toje, što adbyłosia va Ukrainie, moža paŭtarycca ŭ luboj krainie
Prezident ZŠA Barak Abama zaklikaŭ Rasiju admovicca ad ahresii suprać Ukrainy i rastłumačyŭ niebiaśpieka anieksii Kryma i ahresii na Uschodzie Ukrainy.
Pra heta jon skazaŭ u svaim vystupie ŭ AAN.
«Padumajcie ab anieksii Kryma i ahresii na uschodzie Ukrainy… My nie možam stajać u baku, kali suvierenitet i terytaryjalnaja cełasnaść tak aburalna parušajucca», — zajaviŭ Abama.
«Toje, što adbyłosia va Ukrainie, moža paŭtarycca ŭ luboj krainie śvietu. Voś asnova tych sankcyj, jakija my ŭviali sa svaimi partniorami», — dadaŭ prezident ZŠA.
«Sankcyi — nie imknieńnie viarnucca da «chałodnaj vajny». U Rasii ŚMI pad kantrolem dziaržavy mohuć demanstravać hetyja fakty ŭ jakaści novaj siły Rasii… Šmat chto ŭ ZŠA znoŭ kaža, što voś znoŭ uspychnuła «chałodnaja vajna». Ale pahladzicie na vynik. Narod Ukrainy ciapier bolš za ŭsio zacikaŭleny ŭ tym, kab dałučycca da Jeŭropy, a nie Rasii», — skazaŭ Abama.
Pavodle jaho słoŭ, kali b RF pracavała z Ukrainaj, to atrymała b karyść i dla siabie.
«praz sankcyi spyniŭsia ruch kapitałaŭ, idzie spad ekanomiki, padaje rubiel, idzie imihracyja adukavanych rasiejcaŭ», — zajaviŭ Abama.
Pavodle jaho słoŭ, ZŠA nastojvajuć, kab «hety kryzis byŭ vyrašany takim čynam, kab zabiaśpiečyć vyznačeńnie svajoj budučyni, kantrol nad svajoj terytoryjaj dla sučasnaj demakratyčnaj Ukrainy».
Amal usie čaty i supołki kałonij i SIZA Biełarusi pryznali ekstremisckimi farmavańniami. Pad pahrozaj tysiačy čałaviek5
Kamientary