U aŭtorak u Haazie pačaŭsia praces nad tryma hienerałami-charvatami, jakich abvinavačvajuć u vajennych złačynstvach suprać sierbskaha nasielnictva Charvatyi. Adnaho ź ich, hienerała Ante Hatovinu, mnohija ŭ Charvatyi ŭvažajuć za nacyjanalnaha hieroja.
Pierad Mižnarodnym trybunałam pa byłoj Juhasłavii -- Ante Hatovina, Ivan Čermak i Mładen Markač.
Jany admaŭlajuć abvinavačvańni ŭ vajennych złačynstvach i złačynstvach suprać čałaviečnaści. Inkryminavanyja im złačynstvy adnosiacca da padziej 1995 h., kali charvaty pačali nastup u Sierbskaj Krainie, na ŭschodzie Charvatyi, pad kodavaj nazvaj "aperacyja Štorm", što pryviało da vyhnańnia z hetaj vobłaści 200 tysiač etničnych sierbaŭ.
Pavodle abvinavaŭčaha aktu 2001 h. charvackim hienerałam stavicca ŭ vinu planavańnie etničnych čystak, skiravanych suprać sierbskaha nasielnictva samaabvieščanaj respubliki Sierbskaja Kraina.
Hieroj? Złačynca?
Asabista Ante Hatovina stavicca ŭ vinu zabojstva 150 etničnych sierbaŭ, hanieńni pa etničnaj prykmiecie i departacyja tysiač sierbaŭ. Jon staŭ adnym z samych viadomych padsudnych Haahskaha trybunału.
Z 2001 h., kali trybunał abviaściŭ charvackaha hieroja ŭ vyšuk, Hatovina chavaŭsia. Jon byŭ aryštavany ŭ hateli na Kanarskich vyspach u 2005 h., što vyklikała burnyja pratesty ŭ Charvatyi.
Jak paviedamlaje karespandent Bi-Bi-Si, u pieršyja niekalki dzion charvackaje telebačańnie budzie tranślavać praces nad Hatovinaj u žyvym etery.
Advakat adstaŭnoha hienerała kaža, što Hatovina spyniŭ vojny ŭ Charvatyi i Bośnii i vajavaŭ suprać sierbskaha lidera Słabadana Miłošaviča, jakoha šmat chto ličyŭ vinavatym u vajennych złačynstvach.
U sud nad charvackimi hienerałam vyklikana bolš čym 130 śviedkaŭ.
Ciapier čytajuć
Što viadoma pra eks-aficera Słužby biaśpieki Łukašenki Andreja Spasava, jakoha pasadzili za palityku1
Kamientary