Žurnalist za 750 jeŭra kupiŭ siryjski pašpart na imia premjera Niderłandaŭ
Hałandski žurnalist vydatkavaŭ 750 jeŭra i 40 hadzin, kab kupić siryjski pašpart i prademanstravać takim čynam, što z takimi dakumientami ŭ Jeŭropu moža trapić chto zaŭhodna.
Pra heta paviedamlaje vydańnie Nieuwe Revu.
Jak adznačajecca, z pačatku vajny ŭ Siryi tysiačy błankaŭ pašpartoŭ i pryntaraŭ režymu Asada akazalisia pad kantrolem bajevikoŭ, jakija pradajuć pašparty lubomu, chto hatovy zapłacić.
«Usio, što vam treba, heta numar adnaho z tych, chto zajmajecca hetymi pašpartami i kanviertavanyja 750 jeŭra. I praz 40 hadzin vy ŭžo majecie pašpart», — adznačyŭ žurnalist.
Pry hetym jon prademanstravaŭ siryjski pašpart z fatahrafijaj hałandskaha premjera Marka Rute, čyjo imia było vidaźmienienaje na imia Malek Ramadan, miescam jaho naradžeńnia paznačany Damask.
Jak viadoma, zachodnija ŚMI nieadnarazova pisali pra strachi, što pad vyhladam biežancaŭ u Jeŭropu pranikajuć i terarysty.
Vydańnie adznačaje, što «nastupstvy mohuć być žudasnyja» i nahadvaje pra ataku ŭ ciahniku Thalys, terakt u redakcyi francuzskaha časopisa Charlie Hebdo i napad na Habrejski muziej u Bruseli, jakija ździejśnili terarysty Isłamskaj dziaržavy.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary