Haradski sud Nabiarežnych Čaŭnoŭ u aŭtorak prysudziŭ aktyvista Rafisa Kašapava da troch hadoŭ kałonii ahulnaha režymu za niekalki pastoŭ u sacyjalnaj sietcy UKantakcie. Akramia taho, paśla adbyćcia asnoŭnaha pakarańnia asudžanamu zabaroniena karystacca sacyjalnymi sietkami na praciahu dvuch hadoŭ.
Kašapaŭ pryznany vinavatym pa artykułach ab ŭzbudžeńni nianaviści i varožaści (art. 282 KK RF) i ab ažyćciaŭleńni dziejańniaŭ, nakiravanych na parušeńnie terytaryjalnaj cełasnaści RF (artykuł 280.1), havorycca ŭ zajavie prakuratury Tatarstana.
Jak paviedamlajecca, u 2014 hodzie aktyvist raźmiaściŭ na svajoj staroncy teksty na palityčnyja temy, u jakich apisvaŭ prarasijskuju administracyju anieksavanaha paŭvostrava Krym jak «akupantaŭ» i paraŭnoŭvaŭ Uładzimira Pucina z Adolfam Hitleram.
Taksama ŭ materyjały spravy trapiŭ «dematyvatar» z rezkaj krytykaj rasijskaj zamiežnaj palityki.
Na dumku pravaabaroncaŭ ź infarmacyjna-analityčnaha centra «Sava», prysud Kašapava niepravamierny, pakolki apublikavanyja Kašapavym teksty ŭtrymlivajuć tolki krytyku dziejańniaŭ rasijskaj ułady, što nie moža razhladacca jak dastatkovaja padstava dla ŭzbudžeńnia spravy pa hetych artykułach.
Pravaabarončy centr «Miemaryjał» ličyć Kašapava palitviaźniem.
Ciapier čytajuć
Što viadoma pra eks-aficera Słužby biaśpieki Łukašenki Andreja Spasava, jakoha pasadzili za palityku1
Kamientary