Jany prosta nie dumajuć, što im z vami biaśpiečniej.
Psichołahi z Univiersiteta Linkalna (Vialikabrytanija) praviali na 20 katach ekśpierymient «Dziŭnaja situacyja», vyniki jakoha apublikavali ŭ PLoS One.
Kali sabaki viadomyja svajoj pryviazanaściu da haspadara, katy čaściej demanstrujuć abyjakavaść. Jak pakazaŭ ekśpierymient, kali ich pakinuć biez haspadara, jany nie asabliva turbujucca, dy i pa viartańni haspadara nie adčuvajuć siabie ŭ bolšaj biaśpiecy.
Tym nie mieniej, inšyja charaktary pryviazanaści da čałavieka, nie źviazanyja ź biaśpiekaj, ŭ katoŭ mohuć farmavacca.
Ekśpierymient «Dziŭnaja situacyja Ejnsvorta» raniej pravodziŭsia na dzieciach. U miežach jaho paddoślednaha źmiaščajuć u nieznajomaje pamiaškańnie, dzie znachodzicca niechta, da kaho paddośledny pryviazany. Zatym abjekt pryviazanaści prybirajuć, praz peŭny čas viartajuć. A padčas rasstańnia i pa jaho zaviaršeńni nazirajuć za reakcyjaj.
Jak dzieci, tak i sabaki pakazvajuć značnaje turbavańnie, kali ad ich prybrać baćkoŭ ci haspadaroŭ u nieznajomaj abstanoŭcy, i supakojvajucca, kali abjekt pryviazanaści viartajecca. Katam ža (mahčyma, usim kacinym naohuł) davoli spakojna i ŭ adzinocie.
«Choć našy katy čaściej i bolš miaŭkali, kali jany bačyli haspadara, a nie čužoha, my nie zaŭvažyli nijakich inšych śviedčańniaŭ na karyść taho, što jany pryviazvalisia da haspadara z-za taho, što jany bačyli ŭ im apłot biaśpieki, — kaža adzin z daśledčykaŭ Denieł Miłs. — Miaŭkańnie moža prosta vykazvać prykraść abo być umoŭnym refleksam».
Chto maje racyju, katy ci sabaki? Nieviadoma. Ale ŭličvajcie, što katy pieramahli sabak ź likam 40:0 u Paŭnočnaj Amierycy.
Ciapier čytajuć
Što viadoma pra eks-aficera Słužby biaśpieki Łukašenki Andreja Spasava, jakoha pasadzili za palityku1
Kamientary