U Budapiešcie sotni mihrantaŭ zładzili akcyju pratestu pobač z čyhunačnym vakzałam Kieleci, raźmieščanym va ŭschodniaj častcy vienhierskaj stalicy. Vakzał byŭ ačepleny palicyjaj, jakaja sprabavała nie dapuścić mihrantaŭ da ciahnikoŭ, što iduć u susiednija ź Vienhryjaj krainy ES.
Ranicaj palicyja vycieśniła mihrantaŭ z terytoryi vakzała. Ale jany nie razyšlisia, a zładzili demanstracyju pobač z vakzałam, skandujučy «Hiermanija!» i trymajučy ŭ rukach čyhunačnyja kvitki.
Pradstaŭniki vienhierskich uładaŭ śćviardžajuć, što ŭrad sprabuje adnavić paradak i dziejničaje ŭ adpaviednaści z zakonami i praviłami ES.
Raniej vienhierskija ŭłady, pavodle paviedamleńniaŭ, admovilisia ad rehistracyi mihrantaŭ u adpaviednaści z praviłami ES, zhodna ź jakimi ŭciekačy pavinny prasić prytułku ŭ pieršaj ža krainie ES, na terytoryju jakoj jany patrapili.
Aŭstryjskaja palicyja zajaviła, što ŭ paniadziełak u Vienu prybyli ź Vienhryi 3650 mihrantaŭ. Bolšaść ź ich nakiroŭvajucca ŭ Hiermaniju.
Tym časam kancler Hiermanii Anhieła Mierkiel zaklikała da «bolš spraviadlivaha» raźmierkavańnia mihrantaŭ pamiž krainami Jeŭropy.
-
Patryjarch Kirył u krasaviku pavinšavaŭ viernikaŭ sa śviatam, jakoje adznačajuć u studzieni. I heta nie była ahavorka
-
Siłaviki pryjšli ŭ redakcyju «Novoj haziety» ŭ Maskvie
-
U Vašynhtonie vielmi niezadavolenyja dziejnaściu Lva XIV. Papskaha nuncyja vyklikali ŭ Pientahon i čytali lekcyju pra Avińjonski pałon
Ciapier čytajuć
Amal usie čaty i supołki kałonij i SIZA Biełarusi pryznali ekstremisckimi farmavańniami. Pad pahrozaj tysiačy čałaviek4
Kamientary