Siońnia palityku i pierakładčyku spoŭniłasia 50 hadoŭ.
Racyja pavinšavała jaho ź jubilejem i zadała niekalki pytańniaŭ.
‑ Spadar Lavon, pa‑pieršaje, vinšujem vas ź jubilejem. Jak budziecie adznačać?
‑ My sustrakajemsia viečaram ź siabrami. U asnoŭnym heta buduć vykładčyki liceja. Ja zaraz, pa sutnaści, jašče znachodžusia na zaniatkach ŭ licei. Nu a taksama, biezumoŭna, pryjduć maje blizkija siabry z palityčnych i tvorčych kołaŭ, ź jakimi ja daŭno znajomy i jakija akazali ŭpłyŭ na maje žyćcio. I zaadno ja paznajomlu ich sa svajoj apošniaj pracaj — 28‑moŭnym biełaruska‑ieŭrapiejskim słoŭnikam, jaki tolki što vyjšaŭ va Urocłavie. Heta — hałoŭnaja padzieja‑padarunak, jakuju ja padrychtavaŭ sabie na svaje 50‑hodździe.
‑ A chto z palitykaŭ užo pavinšavaj vas sa śviatam?
‑ Z palitykaŭ ja navat i nie prypomniu, akramia svaich paplečnikaŭ, a z hramadskich dziejačoŭ, biezumoŭna, šmat chto pavinšavaŭ — i mastaki, i piśmieńniki, i ŭvohule dziejačy hramadskaha ruchu.
‑ Što navat kalehi pa Abjadnanych demakratyčnych siłach nie pavinšavali?
‑ Nie, pakul što nie. Ale spadziajusia, što pavinšujuć jašče.
‑ Nie tak daŭno vam pryjšłosia ŭznačalić Partyju BNF. Ale, kali kazać ščyra, što vam bližej — palityka, navukovaja ci hramadskaja dziejnaść?
‑ Ja nikoli nie chavaŭ taho, što maje viartańnie ŭ kiraŭnictva Partyi BNF abmiežavanaje ŭ časie. Zaraz ja rychtuju zamienu sabie i stvaraju novaje kiraŭnictva. Toje, jakoje budzie nadalej efiektyŭna pracavać.
‑ A ci možacie zaraz skazać pa piersanalijach, chto moža zaniać vašuju pasadu?
‑ Ja razhladaju siem kandydatur. I kančatkovaha vybaru jašče nie zrabiŭ. Darečy, abirać novaha kiraŭnika partyi ŭsio roŭna budzie źjezd. Tak što — pabačym.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary