Členy arhkamitetu pa praviadzieńni dyktoŭki vyrašyli admovicca ad tekstu dyktoŭki adnaho aŭtara, navat kali jon i pieramoža ŭ konkursie.
Jak paviedamiŭ BiełaPAN inicyjatar praviadzieńnia akcyi, kandydat fiłasofskich navuk Uładzimir Padhoł, takoje rašeńnie było pryniata na pasiadžeńni členaŭ arhkamiteta pa praviadzieńni pieršaj ahulnanacyjanalnaj dyktoŭki.
Pavodle jaho słoŭ, členy arhkamiteta vyrašyli admovicca ad tekstu dyktoŭki adnaho aŭtara, navat kali jon i pieramoža ŭ konkursie, abvieščanym Sajuzam biełaruskich piśmieńnikaŭ i Biełaruskim PEN‑centram. «Zaraz kožny moža pieračytać knihi svaich lubimych piśmieńnikaŭ, zrabić vybarku najbolš simvaličnych abzacaŭ pra niezaležnaść, svabodu i dadzienaść movy ad Boha, a potym dasłać hetyja teksty na adras minskaj siadziby hramadskaha ab\jadnańnia «Tavarystva biełaruskaj movy imia Franciška Skaryny», jakaja mieścicca u domie № 13 pa vulicy Rumiancava. A ŭžo kamisija sa śpiecyjalistaŭ zrobić z hetych prapanoŭ uzorny tekst dyktoŭki», — skazaŭ U.Padhoł.
Usie prapanavanyja abzacy, zaznačyŭ inicyjatar praviadzieńnia akcyi, jakija nie trapiać u tekst dyktoŭki, buduć vykarystanyja ŭ nastupnych ahulnanacyjanalnych akcyjach takoha kštałtu, jakija stanuć štohadovymi.
«Akramia taho, my prapanujem ŭziać na dyktoŭku knižku lubimaha piśmieńnika, jakaja taksama nadaje akcyi formu tałaki. Takim čynam, my rychtujem dyktoŭku tałakoj i budziem pisać jaje razam z najbolš pavažanymi prazaikami, paetami i dramaturhami», — padkreśliŭ U.Padhoł.
Dyktoŭka budzie pravodzicca 23 sakavika kožnuju hadzinu z 10.00 da 18.00. Napisany tekst, jak zaznačajuć inicyjatary akcyi, možna pakłaści ŭ siamiejny archiŭ, zachavać dla naščadkaŭ, pieradać im jak unikalnaje śviedčańnie pavahi da biełaruskaj samabytnaści. A toj, chto žadaje ŭziać udzieł u konkursie na jakaść vałodańnia movaj, moža zdać svoj tekst u kamisiju pa padviadzieńni vynikaŭ. Pieramožcy atrymajuć raznastajnyja pryzy. Fotavystavu materyjałaŭ dyktoŭki miarkujecca prademanstravać u Biełarusi i tych krainach, dzie žyvuć biełarusy, a taksama ekspanavać u budynku sakrataryjata AAN u Ńju‑Jorku.
Ciapier čytajuć
U sacsietkach Chlastova apublikavałasia videa, zapisanaje na vypadak jaho zatrymańnia. Sam śpiavak na Akreścina26
U sacsietkach Chlastova apublikavałasia videa, zapisanaje na vypadak jaho zatrymańnia. Sam śpiavak na Akreścina
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času1818
Kamientary