Rasija zabaraniła impart kvietak z Hałandyi z-za prysutnaści ŭ hetaj pradukcyi karancinnych arhanizmaŭ, havorycca ŭ paviedamleńni Fiederalnaj słužby pa vieterynarnym i fitasanitarnym nahladzie (Raśsielhasnahlad).
«Raśsielhasnahlad prapanavaŭ nacyjanalnym arhanizacyjam pa karancinie i achovie raślin krain Jeŭrasajuza całkam prypynić fitasanitarnuju siertyfikacyju hałandskich zrezanych kvietak dla pastaŭki ŭ Rasiju», — havorycca ŭ paviedamleńni viedamstva.
Jak patłumačyŭ pamočnik kiraŭnika Raśsielhasnahladu Alaksiej Alaksiejenka, zabarona budzie pradoŭžanaja abo źniataja paśla techničnych kansultacyj «z kampietentnymi strukturami Jeŭrasajuza pa najaŭnaj prablemie», jakija rasijskaje viedamstva maje namier pravieści ŭ bližejšy čas.
Pavodle jaho słoŭ, zabarona tyčycca tolki kvietak, vyrablenych na terytoryi Niderłandaŭ, na tranzit kvietak jana nie raspaŭsiudžvajecca.
Raniej Raśsielhasnahlad zajaŭlaŭ, što ŭ hałandskich kvietkach byŭ znojdzieny zachodni kvietkavy tryps — drobnaja kazurka, jakaja žyvie na kvietkach i liści. Jak adznačałasia, tryps niebiaśpiečny tym, što źjaŭlajecca pieranosčykam roznych virusaŭ.
Kali ŭ červieni Jeŭrasajuz paviedamiŭ ab praciahu ekanamičnych sankcyj, rasiejskija ŭłady zajavili, što ŭ adkaz mohuć uvieści zabaronu na ŭvoz kandytarskich vyrabaŭ, kvietak i rybnych kansiervaŭ z tych krain, jakija ŭviali sankcyi ŭ dačynieńni da Rasii.
Kamientary