Udakładnieńnie. Pres‑słužba mitrapalita Tadevuša Kandrusieviča: arcybiskup ničoha nie kazaŭ pra ŭdzieł u žałobnych abradach pa I.Kazulinaj
Pres‑słužba mitrapalita Tadevuša Kandrusieviča raspaŭsiudziła nastupnuju zajavu:
Pres‑słužba mitrapalita Tadevuša Kandrusieviča raspaŭsiudziła nastupnuju zajavu:
«U aŭtorak 26 lutaha 2008 h. adbyłasia pres‑kanfierencyja z udziełam arcybiskupa Mitrapalita Minska‑Mahiloŭskaha Tadevuša Kandrusieviča, pryśviečanaja telemostu Minsk‑Vatykan, zapłanavanamu na 1 sakavika.
Adnak niekatoryja srodki masavaj infarmacyi padali svaju traktoŭku skazanaha Mitrapalitam. ...
U suviazi z hetym padajom stenahramu pytańnia karespandenta i adkazu arcybiskupa Tadevuša Kandrusieviča.
Karespandent: — Chaciełasia b zadać pytańnie, źviazanaje z trahičnymi padziejami našaj krainy, jakija zaraz adbyvajucca ŭ suviazi z pachavańniem Iryny Kazulinaj. Nam viadoma, (što) truna ź jaje ciełam znachodzicca ŭ kaściole śviatych Symona i Aleny, i nam by chaciełasia viedać, chto budzie pravodzić jaje ŭ apošni šlach, chto budzie adpiavać jaje. Vialiki dziakuj.
TK: — Nakolki ja viedaju, jana była vierujučym čałaviekam, kataličkaju. Da ksiandza probašča (ks. Uładzisłava Zavalniuka — red.) źviarnulisia, kab možna było pastavić trunu ŭ kaściole, i kab tam ludzi mahli pamalicca. Heta ŭsio, što ja na siońniašniuju chvilinu viedaju, bo nie zusim jasna było, kali budzie jaje pachavańnie. Ja siońnia ŭ Internecie pračytaŭ, što niechta da mianie źviarnuŭsia, kab ja źviarnuŭsia da Prezidenta. Ja nijakaha lista nie atrymaŭ, ale ja vielmi padtrymlivaju i vielmi zadavoleny tym, što asoby, adkaznyja za toje, kab Kazulin moh pryjechać na pachavańnie svajoj žonki (paspryjali, kab) heta adbyłosia. Heta vielmi humanna, heta vielmi dobra.
* * *
Asabliva adznačajem, što arcybiskup Tadevuš Kandrusievič ničoha nie kazaŭ pra svoj udzieł u žałobnych abradach pa spačyłaj, a taksama nijakim čynam nie «inicyjavaŭ» praviadzieńnia hetych abradaŭ u tym ci inšym katalickim kaściole ...».
Razumiejučy ŭsiu dalikatnaść sytuacyi, NN.by prynosić prabačeńnie za błytaninu ŭ pieradačy słovaŭ arcybiskupa Mitrapalita Minska‑Mahiloŭskaha Tadevuša Kandrusieviča.
Siłaviki śćviardžajuć, što zatrymali dvuch mužčyn za hałasavańnie na vybarach u KR. Ale ci možna hetamu vieryć?15
Kamientary