Kancert zapłanavany na 17 sakavika 2016 hoda.
Paśla abviaščeńnia pra ŭźjadnańnie narviežskija pop-zorki A-ha anansavali vychad novaha albomu i daty suśvietnaha turu. U miežach turu hurt naviedaje i «Minsk-Arenu» 17 sakavika, pieradaje Tut.by. Ceny na kvitki — ad 400 tysiač da 1,5 młn rubloŭ.
A-ha pahadzilisia ŭźjadnacca dziela adnoha albomu, «Cast in Steel», i dziela turu ŭ jaho padtrymku. Dalejšy los hurtu niavyznačany.
Hurt pravioŭ finalny kancert u Osła ŭ śniežni 2010 hoda, paśla čaho spyniŭ dziejnaść. A-ha niečakana viarnulisia ŭ sakaviku 2015 hoda na feście Rock in Rio. Uźjadnańnie adbyłosia «naturalnym čynam» — Poł Voktar-Savoj i Mortan Charkiet sustrakalisia na studyi, Poł pakazvaŭ svaje pieśni, Mortan ich napiavaŭ, takim čynam adabralisia 10-12 piesień, što ŭvajduć u novy albom.
***
A-ha utvarylisia ŭ Osła (Narviehija) u 1982 hodzie i chutka zavajavaŭ papularnaść z debiutnym samotnikam «Take on Me». U 80-90-ch stali suśvietnymi zorkami i lidarami žanru elektra-pop. Prypyniali dziejnaść u 1994-1999 hadach, tryumfalna viarnulisia ŭ «nulavych». Za ŭsiu historyju pradali zvyš 36 młn kopij albomaŭ i 15 młn — samotnikaŭ.
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam14
Kamientary