26 červienia Homielski abłasny sud vynies pastanovu pa kryminalnaj spravie ŭ dačynieńni da padletka, jaki 28 listapada 2014 hoda ŭ Žytkavičach zabiŭ svaju maci. Na momant zabojstva chłopcu było 16 hadoŭ, jon vučyŭsia ŭ 11-m kłasie.
Jak paviedamiła pres-sakratar Homielskaha abłasnoha suda, pa rašeńni suda da abvinavačvanaha prymienienyja prymusovyja miery biaśpieki i lačeńnia. Jon budzie źmieščany ŭ stacyjanar psichijatryčnaj balnicy sa strohim nazirańniem na termin, jaki vyznačać uračy. Kompleksnaja psichijatryčnaja ekśpiertyza pakazała, što padletak pakutuje na psichičnaje zachvorvańnie i ŭjaŭlaje asablivuju niebiaśpieku dla hramadstva, tamu maje patrebu ŭ balničnym utrymańni i lačeńni.
Nahadajem, 28 listapada ŭ Žytkavičach padletak nanios svajoj maci šmatlikija ŭdary nažom, ad atrymanych ran žančyna pamierła na miescy.
Cieła 39-hadovaj žančyny z prykmietami hvałtoŭnaj śmierci znajšoŭ u kvatery jaje muž, jaki i źviarnuŭsia ŭ milicyju. Pa haračych śladach byŭ zatrymany syn zabitaj, vučań 11-ha kłasa.
Ustanoŭlena, što 28 listapada ŭ 15.30 školnik padčas svarki z maci nanios joj nie mienš jak piać udaraŭ kuchonnaj siakieraj u hałavu, a zatym nie mienš jak 10 udaraŭ nažom u hrudzi i ŭ žyvot.
Padletak pryznaŭsia ŭ tym, što zrabiŭ, rastłumačyŭ zabojstva kryŭdaj na maci. U dzień trahiedyi jana dakarała syna za toje, što zamiest vučoby jon časta siadzić za kampjutaram i ŭ jaho niama siabroŭ. Chłopiec razzłavaŭsia i raźbiŭ talerku ab ścianu, u adkaz žančyna pryhraziła, što pazvonić baćku, i pajšła hladzieć televizar. Chutka ŭ pakoj śledam za maci ŭvajšoŭ syn, jaki pačaŭ nanosić joj udary kuchonnaj siakieraj. Žančyna zakryvałasia rukami i prasiła nie čapać jaje. A kali vypaŭzła, akryvaŭlenaja, u kalidor, padletak dabiŭ jaje kuchonnym nažom.
Jon adzinaje dzicia ŭ siamji. U dzień hibieli jaho maci, jakaja pracavała miedsiastroj, była na balničnym. Baćka pracuje ŭ lasnoj haspadarcy.
Na ŭliku chłopiec nie znachodziŭsia, u škole jaho charaktaryzavali stanoŭča.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary