Litva nie prymała rašeńnie ab pastaŭkach zbroi Ukrainie, śćviardžaje litoŭski premjer-ministr Alhirdas Butkiavičus.
Hetaje pytańnie pavinna razhladacca na pasiadžeńni Dziaržrady pa abaronie. Pakul ja nie čuŭ pra toje, kab u bližejšy čas było takoje pasiadžeńnie. Nichto z kiraŭnictva nie moža pryniać takoha rašeńnia biez pasiadžeńnia rady», — zajaviŭ u niadzielu premjer žurnalistam va ŭradzie, kamientujučy paviedamleńni ŚMI, što pasoł Litvy va Ukrainie Maryjus Janukonis zajaviŭ ab płanach Vilni pastaŭlać zbroju Kijevu.
U adkaz na pytańnie, ci ŭzhodnić Litva pytańnie pastavak zbroi z susiednimi krainami, A. Butkiavičus skazaŭ, što nie moža na jaho adkazać.
M. Janukonis ŭ efiry ŭkrainskaha «5 kanała» zajaviŭ, što «niekatoryja kroki ŭžo zrobleny». «Takaja palityčnaja vola jość, i jaje publična vykazała najvyšejšaje kiraŭnictva Litvy. Niekatoryja kroki ŭžo zroblenyja, my ich praciahniem rabić, siarod ich buduć i kroki ŭ kirunku pastavak zbroi Ukrainie», — skazaŭ M. Janukonis.
Ciapier čytajuć
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary