Kiraŭnik dziaržavy Alaksandr Łukašenka padpisaŭ Zakon Respubliki Biełaruś «Ab amnistyi ŭ suviazi z 70-hodździem Pieramohi ŭ Vialikaj Ajčynnaj vajnie 1941-1945 hadoŭ».
Zakon pryniaty ŭ metach realizacyi pryncypu humanizmu i ŭ suviazi sa značnaj dataj u historyi Respubliki Biełaruś - 70-hodździem Pieramohi ŭ Vialikaj Ajčynnaj vajnie 1941-1945 hadoŭ.
Dakumientam vyznačany katehoryi padlahajučych vyzvaleńniu ad pakarańnia asob, asudžanych za złačynstvy, jakija nie adnosiacca da ciažkich i asabliva ciažkich (niepaŭnaletnija, ciažarnyja žančyny, žančyny i adzinokija mužčyny, majučyja dziaciej va ŭzroście da vasiamnaccaci hadoŭ, asoby piensijnaha ŭzrostu, invalidy I i II hrup, vieterany bajavych dziejańniaŭ, asoby, jakija atrymali ranieńni ŭ pieryjad prachodžańnia słužby, ažyćciaŭleńnia słužbovaj dziejnaści, jakija paciarpieli ad katastrofy na Čarnobylskaj AES, a taksama niekatoryja inšyja katehoryi asudžanych). Asobnym katehoryjam asudžanych, jakija nie padlahajuć vyzvaleńniu, praduhledžvajecca skaračeńnie terminu pakarańnia na 1 hod.
Z ulikam isnujučaj praktyki prymianieńnia amnistyi jana nie raspaŭsiudžvajecca na asob, da jakich na praciahu 2009-2015 hadoŭ prymianiałasia amnistyja abo pamiłavańnie i jakija znoŭ učynili naŭmysnaje złačynstva; jakija poŭnaściu nie kampiensavali pryčynienuju złačynstvami škodu (uron), nie vypłacili dachod, atrymany złačynnym šlacham; złosna parušajuć paradak adbyvańnia pakarańnia; asudžanyja za złačynstvy suprać miru i biaśpieki čałaviectva, zabojstva, naŭmysnaje pryčynieńnie ciažkaha cialesnaha paškodžańnia, złačynnyja dziejańni sieksualnaha charaktaru, bandytyzm, teraryzm, masavyja biesparadki, parušeńnie pravił darožnaha ruchu ŭ stanie apjanieńnia, što pryviało da śmierci čałavieka abo pryčynieńnia ciažkaha cialesnaha paškodžańnia, niezakonny abarot narkotykaŭ i šerah inšych złačynstvaŭ, jakija charaktaryzujucca vysokaj hramadskaj niebiaśpiekaj.
Praduhledžvajecca vyzvalić ad kryminalnaha pakarańnia 8,6 tys. asudžanych, u tym liku ź miesc pazbaŭleńnia voli - 2,2 tys. čałaviek.
Zakon ustupaje ŭ siłu z dnia jaho aficyjnaha apublikavańnia i padlahaje vykanańniu na praciahu šaści miesiacaŭ z dnia ŭstupleńnia jaho ŭ siłu.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary