Z pačatku hoda ŭ dvarach Minska vyjaŭlenyja 492 biezhaspadarnyja aŭtamabili, paviedamiła 19 maja na pres-kanfierencyi ŭ Minsku načalnik adździeła dobraŭparadkavańnia, sanitarnaha stanu i raboty z nasielnictvam dziaržaŭnaha abjadnańnia «Minskaja haradskaja žyllovaja haspadarka» Marharyta Jazinskaja.
Hetaja rabota pravodzicca pastajanna, skazała jana, nahadaŭšy, što 1 studzienia 2012 hoda pačaŭ dziejničać ukaz № 48, jaki vyznačaje dziejańni pry vyjaŭleńni takich transpartnych srodkaŭ.
«Za apošnija niekalki hadoŭ kolkaść takich transpartnych srodkaŭ źnižajecca. Heta tłumačycca tym, što jany svoječasova vyjaŭlajucca, pravodzicca šyrokaje infarmavańnie nasielnictva. Žychary viedajuć, kali transpartny srodak zajmaje miesca na dvarovaj terytoryi, psuje źniešni vyhlad, darma zajmaje parkovačnaje miesca, to buduć prymienieny miery ŭździejańnia», — skazała Jazinskaja.
Pavodle jaje słoŭ, zhodna z zakanadaŭstvam, z momantu vyjaŭleńnia biezhaspadarnaj mašyny da jaje vyvazu z dvara prachodzić da troch miesiacaŭ. Žyllovym słužbam treba vyznačyć uładalnika, ci prajšła mašyna techahlad i jak daŭno. Dalej na praciahu miesiaca aŭtaŭładalnik atrymlivaje pradpisańnie ŭbrać aŭtamabil abo pryvieści jaho ŭ naležny stan. Kali hetaha nie adbyłosia, aŭtamabil evakuirujecca na štrafplacoŭku i potym ŭtylizujecca. Za heta ŭładalnik pavinien budzie zapłacić. Mnohija aŭtaŭładalniki sami pryvodziać mašynu ŭ paradak abo vyvoziać z dvarovaj terytoryi.
Z pačatku hetaha hoda dla ŭstanaŭleńnia ŭładalnikaŭ nakiravana 336 zapytaŭ u rajonnyja DAI i «Biełtechahlad», ustanoŭlenym uładalnikam nakiravanyja 382 paviedamleńni. Na 15 maja pryviedzienyja ŭ naležny stan abo ŭtylizavanyja 293 aŭtamašyny, na stajanki evakuiravana 12. «Kali aŭtaŭładalnik nie znachodzicca, to aŭtamabil pierachodzić u kamunalnuju ŭłasnaść i ŭtylizujecca siłami ŽESaŭ», — patłumačyła Jazinskaja.
Ciapier čytajuć
«Pra jaki sajuz možna havaryć?» Łukašenka ŭ Astanie raskrytykavaŭ Rasiju za naviazvańnie utylzboraŭ4
Kamientary