Za abnaŭleńnie partała Nacyjanalnaj biblijateki nie ŭzialisia. 213 tysiač dalaraŭ — mała
Takaja praca kaštuje prynamsi 400 tysiač dalaraŭ, kaža ŭdzielnik tendaru.
Abodva ŭdzielniki tendaru na abnaŭleńnie i madernizacyju sajta Nacyjanalnaj biblijateki padali zajaŭki, što nie zadavolili zamoŭcu, paviedamlaje Onliner.by. Tendar budzie praviedzieny paŭtorna.
Navukova-vytvorčaje tavarystva «Todes» prapanavała pravieści raboty pa zajaŭlenaj canie (3,141 młrd biełaruskich rubloŭ), ale abjom rabot nie zadavoliŭ zamoŭcu. AAT «Ahat-Sistem» prapanavała adpaviedny techničnym umovam abjom rabot, ale zamoŭcu nie zadavoliła cana.
«Cana (u 3,141 młrd — NN) całkam realnaja, — tłumačyć dyrektar «Todes» Juryj Surovy. — Havorka idzie nie pra sajt, jaki možna zrabić u adzinočku na kalency. Paraŭnajcie ceny z rasijskimi ci zachodnimi — jany ŭ razy bolš».
«Suchi sabiekošt hetaha prajektu pry narmavańni pa dziaržaŭnych zarobkach składaje 400 tysiač dalaraŭ», — kaža načalnik adździeła «Ahat-Sistem» Alaksiej Šuldaŭ. Pavodle jaho słoŭ, praca z nacyjanalnaj biblijatekaj adroźnivajecca ad pracy sa zvyčajnym internet-partałam, praces intehracyi partału z katałohami vielmi pracajomki.
***
Tendar na madernizacyju partału Nacyjanalnaj biblijateki byŭ abvieščany 30 sakavika. Da ŭdziełu zaprašalisia lubyja fizičnyja i jurydyčnyja asoby, u tym liku indyvidualnyja pradprymalniki. Vykanać pracu treba było da 15 śniežnia 2015 hoda.
Ciapier čytajuć
Amal usie čaty i supołki kałonij i SIZA Biełarusi pryznali ekstremisckimi farmavańniami. Pad pahrozaj tysiačy čałaviek4
Kamientary