Rekardsmien «Knihi rekordaŭ Hinesa», samy mocny čałaviek u Biełarusi Kirył Šymko pasprabuje znoŭ ustanavić suśvietny rekord. 27 maja naš vołat płanuje zrušyć ź miesca i praciahnuć za saboj viežavy kran vahoj 118 ton.
«Pakul padrabiaznaści raskryvać nie budu, tamu što idzie padrychtoŭka. Zadziejničana cełaja kamanda śpiecyjalistaŭ. Heta budzie hrandyjoznaja padzieja, — raspavioŭ Kirył Šymko. — Sačyć za ŭstanaŭleńniem suśvietnaha rekordu možna budzie ŭ režymie anłajn».
U bijahrafii Kiryła Šymko nie adzin siłavy rekord. Na svaich plačach jon ruchaŭ pasažyrski samalot «Boinh-737», tanki «T-26» i «T-34», čyhunačny sastaŭ ź piaci pasažyrskich vahonaŭ, transpartny samalot «IŁ-76». U kastryčniku 2012 hoda kala steły «Minsk — horad-hieroj» Šymko ŭstanaviŭ rekord śvietu, ssunuŭšy 55-tonny karjerny samazvał «BiełAZ».
Ciapier čytajuć
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna6
Kamientary