Sud asudziŭ pravaabaronca i jurysta Intyhama Alijeva da 7,5 hadoŭ turmy, paviedamlaje haqqin.az.
Pasiadžeńnie prajšło pad staršynstvam sudździ Rasima Sadychava.
U svaim apošnim słovie abvinavačany skazaŭ: «Prakuror zapatrabavaŭ asudzić mianie na 10 hadoŭ. Jakim budzie rašeńnie suda, ja nie viedaju. Moža, vosiem, a moža, i ŭsie dziesiać hadoŭ. Ja nikoha nie vinavaču, ale žadaju vam usim žyć u demakratyčnym hramadstvie, dzie pavažajuć pravy čałavieka. Aryštavany ja byŭ za svaju palityčnuju dziejnaść», — skazaŭ jon.
Alijeŭ abvinavačvaŭsia pa artykułach 213.1 (uchileńnie ad vypłaty padatkaŭ), 308.2 (złoŭžyvańnie słužbovymi paŭnamoctvami, što paciahnuła ciažkija nastupstvy), 192.2 (niezakonnaje pradprymalnictva) i 179.3.2 (prysvajeńnie abo rastrata) KK Azierbajdžana.
Alijeŭ byŭ tym jurystam, jaki dapamoh sotniam hramadzian Azierbajdžana padać pazovy ŭ jeŭrapiejskija sudy sa skarhami na parušeńni ich pravoŭ ci niezakonnaje źniavoleńnie.
Pravaabaroncy nazyvajuć abvinavačvańni suprać Intyhama Alijeva falšyvymi i nadumanymi.
Usiaho za apošni hod u Azierbajdžanie aryštavanyja dziasiatki viadomych pravaabaroncaŭ, błohieraŭ i dziejačoŭ apazicyi.
Kamientary