Džeremi Kłarksan zvolnieny ź Bi-bi-si
Kiraŭnictva Bi-bi-si abviaściła ab svaim rašeńni nie adnaŭlać kantrakt ź viadučym teleprahramy Top Gear Džeremi Kłarksanam.
Papularny viadučy byŭ adchileny ad efiru 16 dzion tamu paśla bojki z pradziusaram. Jak śćviardžajuć vidavočcy, svarka na zdymkach adbyłasia z-za taho, što paśla zdymačnaha dnia ŭ Paŭnočnym Jorkšyry dla ŭdzielnikaŭ nie było pryhatavanaje haračaje charčavańnie.
Pa słovach hienieralnaha dyrektara Bi-bi-si Toni Choła, heta rašeńnie dałosia nialohka, i mierkavańni ŭ kiraŭnictvie karparacyi padzialilisia.
Prahrama Top Gear źjaŭlajecca adnoj z samych papularnych i prybytkovych teleprahram Bi-bi-si z hłabalnaj aŭdytoryjaj u 350 młn čałaviek. Jaje pośpiech šmat u čym tłumačyŭsia asabistaj papularnaściu viadučaha, viadomaha svaimi skandalnymi vykazvańniami.
Najbolš jarkija cytaty Džeremi Kłarksana pa viersii Bi-bi-si
- My ŭsie viedajem, što małalitražnyja mašyny bolš karysnyja, čym sportkary — jak karysnyja rybin tłušč i ranišniaja prabiežka.
- Ja nie razumieju, navošta patrebnyja asobnyja pałosy dla aŭtobusaŭ. Čamu tyja, u kaho niama hrošaj, pavinny jeździć chutčej za mianie?
- Pra Alfa Romeo Brera: Dumajcie pra jaje jak pra Andžalinu Džali. Vy čuli, što jana varjatka i ničoha nie jeść, akramia kleju dla špaleraŭ. Ale vy by ŭsio roŭna byli nie suprać, praŭda?
- Z majho punktu hledžańnia, Ferrari — heta prosta pamienšanaja ŭ maštabie kopija Hospada Boha.
- Ferrari 355 — heta pierapiołčynaje jajka, prypraŭlenaje sielderejnaj sollu i padadzienaje da stała ŭ pupku Džulii Robierts.
- Brytanskija atamnyja padvodnyja łodki pryznanyja niebiaśpiečnymi… Čamu b heta? Napeŭna, tamu, što ŭ ich niama pandusa dla invalidnych kalasak.
- Suzuki Wagon R treba staranna paźbiahać — jak niezaściarožanaha seksu z tranśviestytam z Efiopii.
- Kali ŭ mianie biessań, dastatkova adnaho pohladu na fotazdymak Toyota Camry — i ja splu jak niemaŭla.
- Chutkaść jašče nikoli nikoha nie zabiła, a voś raptoŭnaje spynieńnie pasiarod darohi… voś što zabivaje.
- Ideja honačnych mašyn, jakija byli adaptavanyja dla jazdy pa zvyčajnych darohach, nie pracuje. Heta prykładna jak źniać žorstkaje porna, a potym pieramantavać jaho tak, kab možna było pakazvać u brytanskich hatelach. Što ŭ vas atrymajecca? Pravilna: paŭhadzinny bujny płan čyjhości potnaha tvaru.
Čytajcie taksama: Prychilniki Kłarksana pryjechali da Bi-bi-si na tanku
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ciapier čytajuć
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić3737
Kamientary