Viadučy telepieradačy Top Gear Džeremi Kłarksan časova adchileny ad efiru «paśla bojki z pradziusaram», abviaściła karparacyja Bi-bi-si.
Paviedamlajecca, što papularny televiadučy adchileny ad efiru «na čas rasśledavańnia» incydentu.
«Nikoli raniej nikoha nie adchilali ad efiru, — paviedamlajecca ŭ zajavie Bi-bi-si, — Top Gear nie vyjdzie ŭ efir u hetuju niadzielu».
Inšych kamientaroŭ nie było.
U mai minułaha hoda Kłarksan atrymaŭ «apošniaje papiaredžańnie» za vykarystańnie rasisckich vyrazaŭ padčas telešoŭ. Kamientujučy toje, što adbyłosia, televiadučy skazaŭ, što paśla taho, što zdaryłasia, kali jašče raz adbudziecca niešta padobnaje, jaho «vykinuć za luboje niapravilnaje słova, dzie zaŭhodna, kali zaŭhodna».
Džeremi Kłarksan — adzin z samych papularnych televiadučych na brytanskim TB, a taksama adzin z samych supiarečlivych. Za vostryja kamientary i niepalitkarektnyja vykazvańni jamu nie raz davodziłasia prynosić prabačeńni.
Ciapier čytajuć
Novy pasoł Ukrainy pa pytańniach Biełarusi: «Pryznajom Cichanoŭskuju lidaram. A ŭ Łukašenki niama manapolii na hołas naroda»64
Kamientary