Pieśniu «Śnieh» u pierakładzie Juryja Nieściarenki lidar «Mašyny vriemieni» zapisaŭ u miežach prajektu «Global Reload» partału Tuzin.fm i hramadskaj kampanii «Budźma biełarusami!».
«Pa-biełarusku nadta cikava pasprabavać, bo hieny ŭsio ž taki maju, — raspavioŭ Andrej Makarevič partału Tuzin.fm. — Ja vielmi dobra pamiataju mocny biełaruski akcent majoj babuli. Jana była z Pahodzina, ź siała, jakoje tady Błudzinam zvałasia, a pobač vioska Malič, heta Zachodniaja Biełaruś. I voś babula kazała: «ščy», «ščuka», zhadvaju jak ciapier».
Partał udakładniaje: nazvu Błudzień da 1964 hoda mieła vioska Paŭłovičy Biarozaŭskaha rajonu Bresckaj vobłaści, a Pahodzina heta staraja nazva čyhunačnaj stancyi «Biaroza-Kartuzskaja» pobač ź vioskaj.
«Dla mianie heta pakłon maim prodkam, jakich užo niama na hetym śviecie», — skazaŭ Makarevič pra pieśniu pa-biełarusku.
«Kali ŭ čałavieku jość častka voś hetaha, dyk čamu jon pavinien jaje chavać? Jon pavinien hetym hanarycca», — dadaŭ śpiavak. Jon śćviardžaje, što ŭ Biełarusi namahajecca byvać čaściej i maje tut šmat siabroŭ.
«Śnieh» u vykanańni Andreja Makareviča:
Na biełaruskuju «Śnieh» pierakłaŭ Juryj Nieściarenka. Andrej Makarevič zapiaŭ jaje biełaruskuju viersiju z hurtom Apple Tea.
«Mašyna vriemieni» ŭpieršyniu zapisali pieśniu «Śnieh» u 1978 hodzie, ale toj zapis, mahčyma, i nie zachavaŭsia. Zatym pieśnia zapisvałasia ŭ 1980-81 hodzie. «Asabliva historyi pra jaje stvareńnie niama. Sieŭ za pijanina – i napisaŭ. Liču, što ŭ piesień naohuł nie moža być historyi. Kali aŭtar pačynaje raskazvaje historyi, jak ziavilisia jaho pieśni – jon chutčej za ŭsio chłusić», — kaža Makarevič.
«Śnieh»
Muzyka i słovy — Andrej Makarevič, pierakład na biełaruskuju — Juryj Nieściarenka
Śnieh. Horad hublaje zrok.
Krok
U zmrok ad śviatła, i znoŭ
Koler, jak bieły śnieh.
Horad tvoj
Staŭ karablom,
Lodam zabrany ŭ pałon.
Ty
Viedaješ peŭna jak
Śnieh
Nam pakidaje znak.
Jon robić zaŭsiody tak,
I horad tvoj,
Soncam sahrety,
Płyvie pa viasnovaj vadzie.
Ale
Ci dadziena nam zrazumieć,
Kamu
Dziačyć za ciepłyniu,
Što zvodzić niaspynna śnieh.
Sto doŭhich dzion
Macniejšym byŭ jon,
I raptam źnikaje za piać
Ciopłych dzion.
Ciapier čytajuć
Deputatka, jakaja rychtuje pryhažuń dla Łukašenki, vyjšła zamuž14
Kamientary