Mižnarodny sud AAN u Haazie pastanaviŭ, što ni Sierbija, ni Charvatyja nie ździajśniali hienacyd u dačynieńni adzin adnaho ŭ čas Bałkanskich vojnaŭ u 1991-1995 hh.
AP
Charvacki ŭrad śćviardžaŭ, što ŭ 1991 hodzie Sierbija ździejśniła hienacyd u horadzie Vukavar i ŭ inšych nasielenych punktach krainy.
Adnak «Charvatyja nie zmahła abhruntavać pretenzii ab tym, što hienacyd byŭ ździejśnieny Sierbijaj», — zajaviŭ sudździa Pieter Tomka.
Sierbija taksama nakiravała sustrečny pazoŭ, abvinavaciŭšy Charvatyju ŭ vysialeńni bolš za 200 tysiač sierbaŭ sa svajoj terytoryi.
U chodzie vajny ŭ Juhasłavii 1991—1995 hadoŭ zahinuła kala 20 tysiač čałaviek.
Mocna paciarpieŭ charvacki horad Vukavar, jaki na praciahu troch miesiacaŭ byŭ akupavany sierbami ŭ 1991 h. Dziasiatki tysiač etničnych charvataŭ stali biežancami. Prykładna 260 mužčyn-charvataŭ byli aryštavanyja i zabityja.
Čatyry hady paśla charvackaja armija praviała vajskovuju apieracyju «Bura» suprać Sierbskaj Krainy, padčas jakoj kala 200 tysiač sierbaŭ byli vymušanyja pakinuć svaje damy.
Ciomnyja hady
Charvatyja padała svoj pieršy pazoŭ u Mižnarodny sud u 1999 hodzie, abvinavaciŭšy sierbaŭ i tahačasnaha prezidenta Słabadana Miłošaviča ŭ raspravach nad charvatami.
Kiraŭnictva krainy patrabuje kampiensacyi za pryčynienuju škodu «nasielnictvu i budynkam, a taksama ekanomicy i pryrodzie Charvatyi».
U 2010 hodzie Sierbija ŭ adkaz padała sustrečny pazoŭ, zajaviŭšy, što sierby byli vysielenyja z Charvatyi, paśla taho jak Charvatyja pačatku vajskovuju apieracyju suprać Sierbii.
Na dumku karespandenta Bi-bi-si Anny Chalihan, pastanovy suda ŭ Haazie dapamohuć pralić śviatło na toje, što na samoj spravie adbyłosia ŭ hetyja ciomnyja dla Bałkan hady.
Ciapier čytajuć
Što viadoma pra eks-aficera Słužby biaśpieki Łukašenki Andreja Spasava, jakoha pasadzili za palityku1
Kamientary